Еўрапейскія гульні-2019 у Мінску
Афіцыйны сайт Рэспублікі Беларусь
Свята Купалле
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

11 Стд 2016

Мінфін у 2016 годзе плануе размясціць на ўнутраным рынку валютныя дзяржаблігацыі на $450 млн

11 студзеня, Мінск /Кар. БЕЛТА/. Міністэрства фінансаў Беларусі ў 2016 годзе плануе размяшчэнне на ўнутраным рынку дзяржаўных валютных аблігацый юрыдычным і фізічным асобам на суму, эквівалентную $450 млн, паведамляецца на сайце міністэрства.

Размяшчэнне плануецца ажыццяўляць пераважна праз гандлёвую сістэму Беларускай валютна-фондавай біржы.

Аблігацыі 204-га выпуску (для юрыдычных і фізічных асоб на суму $100 млн) і 205-га выпуску (для юрыдычных асоб на суму $50 млн) пачнуць размяшчацца 15 студзеня праз біржу дзяржаўных валютных аблігацый. Размяшчэнне аблігацый праводзіцца ў мэтах рэфінансавання дзярждоўгу, развіцця рынку дзяржаўных каштоўных папер, звязвання даходаў насельніцтва.

Наступныя выпускі дзяржаўных валютных аблігацый будуць ажыццяўляцца з улікам дынамікі размяшчэння аблігацый 204-га і 205-га выпускаў і сітуацыі на ўнутраным рынку.

Аб'ём пагашэння дзяржаўных валютных аблігацый у 2016 годзе складзе $1 256 млн у эквіваленце.

У 2015 годзе Мінфінам размешчана дзяржаблігацый, намініраваных у замежнай валюце, на агульную суму, эквівалентную $2 438 млн. У прыватнасці, было размешчана аблігацый на $953 млн, 1 357 млн еўра і 162 млн расійскіх рублёў. Юрыдычныя асобы выкупілі аблігацыі на $2 388 млн у эквіваленце, фізічныя асобы - $50 млн.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс