Бізнес-навіны

Мінэнерга: БелАЭС выпрацавала 50 млрд кВт.гадз электраэнергіі

Фота з архiва

3 верасня, Ляхавіцкі раён /Кар. БЕЛТА/. Беларуская атамная электрастанцыя з пачатку эксплуатацыі выпрацавала 50 млрд кВт.гадз электрычнай энергіі. Аб гэтым журналістам паведаміў міністр энергетыкі Дзяніс Мароз у час прэс-туру, прысвечанага Дню работнікаў нафтавай, газавай і паліўнай прамысловасці, перадае карэспандэнт БЕЛТА.

"2 верасня 2025 года ў 17.35 БелАЭС выпрацавала 50 млрд кВт.гадз энергіі. Гэта вельмі вялікая лічба, якая перавышае гадавое спажыванне электраэнергіі ў Рэспубліцы Беларусь. Дзякуючы гэтаму ўдалося сэканоміць звыш 13,5 млрд куб. м прыроднага газу і скараціць выкіды вуглякіслага газу амаль на 20 млн т", - адзначыў міністр.

Паводле яго слоў, Беларуская атамная электрастанцыя працуе ў стабільным і надзейным рэжыме. "Гэта адзін з самых бяспечных праектаў у свеце. Мы пастаянна ўзаемадзейнічаем з міжнароднай супольнасць, уключаючы місіі МАГАТЭ. Літаральна нядаўна Рафаэль Гросі (гендырэктар агенцтва. - Заўвага БЕЛТА)  асабіста пераканаўся, што станцыя эксплуатуецца максімальна бяспечна", - падкрэсліў кіраўнік Мінэнерга.

версія для друку

зрабіць стартавай

дабавіць у выбранае