У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

16 Ліп 2015

Мінэканомікі Беларусі і IFC будуць супрацоўнічаць у садзейнічанні росту МСП і развіццю прыватнага сектара

16 ліпеня, Мінск /Юлія Огнева - БЕЛТА/. Міністэрства эканомікі Беларусі і Міжнародная фінансавая карпарацыя (IFC), якая з'яўляецца членам Групы Сусветнага банка, падпісалі пагадненне аб пачатку сумеснай работы, накіраванай на паляпшэнне дзелавога асяроддзя для малых і сярэдніх прадпрыемстваў (МСП) і падтрымку росту прыватнага сектара, перадае карэспандэнт БЕЛТА.

"Эксперты кансультатыўнай праграмы Групы Сусветнага банка па паляпшэнні інвестыцыйнага клімату ў Беларусі прадаставяць кансультацыйную падтрымку міністэрству і іншым дзяржаўным органам па пытаннях зніжэння рэгулятарных бар'ераў і павышэння канкурэнтаздольнасці прадпрыемстваў, у прыватнасці МСП. У рабоце праграмы прымуць удзел прадстаўнікі як дзяржаўнага, так і прыватнага сектара, уключаючы работу на рэгіянальным узроўні", - адзначыў кіраўнік рэгіянальнага прадстаўніцтва IFC у Беларусі і Украіне Руфат Алімарданаў. Паводле яго слоў, эксперты сфакусіруюцца на дапамозе ў распрацоўцы і рэалізацыі рэформ як для падтрымкі прадпрыемстваў, працуючых на ўнутраным рынку, так і для кампаній, якія выходзяць на новыя рынкі.

У сваю чаргу міністр эканомікі Беларусі Уладзімір Зіноўскі канстатаваў, што стварэнне максімальна спрыяльных умоў для развіцця прадпрымальніцтва і павышэння інвестыцыйнай прывабнасці эканомікі было і застаецца ў ліку галоўных прыярытэтаў дзяржаўнай эканамічнай палітыкі. "Мы высока цэнім кансультацыйную падтрымку Міжнароднай фінансавай карпарацыі, якая дапамагла многім краінам спрасціць іх правілы рэгулявання і стварыць палітыку, што садзейнічае прыцягненню замежных інвестыцый", - сказаў міністр.

Бягучая праграма прадаўжае работу папярэдняй праграмы "Паляпшэнне рэгулявання бізнесу і садзейнічанне прыцягненню інвестыцый у Рэспубліцы Беларусь" (2010-2014 гг.), якая дапамагла стварыць Адзіны рэестр адміністрацыйных працэдур у Беларусі, скараціўшы на 19 працэнтаў агульную колькасць працэдур для прадпрыемстваў і агульную колькасць ліцэнзій на 60 працэнтаў. Паводле ацэнак, гэта дасць магчымасць суб'ектам МСП сэканоміць $14 млн у год.

Беларусь стала членам Сусветнага банка і Міжнароднай фінансавай карпарацыі ў 1992 годзе. На сённяшні дзень IFC інвесціравала больш за $577 млн у рэалізацыю 47 праектаў у розных сектарах Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску