Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

9 Apr 2021

ММЗ будзе вырабляць рухавікі для вагонаў-рэстаранаў

ММЗ будзе вырабляць рухавікі для вагонаў-рэстаранаў
Фота з архiва

9 красавіка, Мінск /Кар. БЕЛТА/. Мінскі маторны завод будзе вырабляць рухавікі для вагонаў-рэстаранаў, расказалі карэспандэнту БЕЛТА ў прэс-службе ААТ "ККХ "ММЗ".

"Дзве буйныя кампаніі з Санкт-Пецярбурга пачалі рэалізацыю сумеснага праекта - вытворчасць дызель-генератарных падвагонных агрэгатаў для вагонаў-рэстаранаў. За рухавікамі для агрэгатаў яны звярнуліся на Мінскі маторны завод. Спажыўцоў зацікавілі дзве мадэлі: Д-246 і новая распрацоўка MMZ-4DG. Расіяне плануюць набываць каля 100-200 рухавікоў за год. ММЗ пачаў падрыхтоўку доследных узораў, дапрацоўку ў адпаведнасці з тэхнічнымі асаблівасцямі", - расказалі ў прэс-службе.

Для рухавіка Д-246 неабходна прапрацаваць магчымасць змяншэння габарытаў па вышыні, давёўшы гэты паказчык да 750 мм. "Дасягнуць гэтага канструктары ММЗ плануюць за кошт устаноўкі маслянай сістэмы з сухім картарам і выноснай маслянай помпай. Такі вопыт у завадскіх спецыялістаў ёсць, падобная задача вырашалася, калі адаптавалі мінскі рухавік да аўтобуса "Ікарус", - растлумачылі на прадпрыемстве.

Для рухавіка MMZ-4DG трэба разгледзець магчымасць распрацоўкі і ўключэння ў камплектацыю падшыпнікавага вузла з выхадных валам дыяметрам 50 мм.  Гэта неабходна для зручнасці кампаноўкі матора ў дызель-генератарны агрэгат. Як падкрэслілі ў прэс-службе, для гэтага рухавіка такое рашэнне раней не прымянялася, таму перад спецыялістамі ММЗ стаіць новая задача.

"Малалітражныя чатырохцыліндравыя рухавікі ММЗ маюць добрыя перспектывы на расійскім рынку. На постсавецкай прасторы не існуе іх аналагаў па суадносінах характарыстык, так што рынак адкрыты, - адзначылі на заводзе. - Перспектыўным з'яўляецца пачаты праект і для санкт-пецярбургскіх кампаній. Яго паспяховая рэалізацыя дасць магчымасць заваяваць новы сегмент рынку, які ў Расіі пакуль не насычаны".

Мінскі маторны завод - вытворца сучасных дызельных, газадызельных, газапоршневых рухавікоў. Спецыялізуецца на распрацоўцы, праектаванні і вырабе сучасных трох-, чатырох-, шасці- і васьміцыліндравых рухавікоў. На заводзе выпускаецца больш за 100 мадыфікацый рухавікоў у дыяпазоне магутнасці ад 7 да 330 кВт, прызначаных для ўстаноўкі на сельскагаспадарчую, дарожна-будаўнічую і лесаўборачную тэхніку, аўтамабілі і аўтобусы, энергаўстаноўкі, кампрэсары і іншыя агрэгаты. Рухавікі ММЗ пастаўляюцца на канвееры 49 прадпрыемстваў у Беларусі, краінах СНД і далёкага замежжа, прадукцыя прадаецца ў больш як 50 краін Еўропы, Азіі, Афрыкі, Паўночнай і Лацінскай Амерыкі. Пры вытворчасці рухавікоў выкарыстоўваюцца камплектуючыя сусветна вядомых кампаній.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі