Бізнес-навіны

Мяса, малако, дзіцячае харчаванне: якія прадукты Беларусь пастаўляе ва Узбекістан

Фота з архiва

24 лютага, Мінск /Кар. БЕЛТА/. Якія прадукты харчавання Беларусь пастаўляе ва Узбекістан, расказаў намеснік міністра сельскай гаспадаркі і харчавання Беларусі Аляксандр Якоўчыц, які знаходзіцца ў складзе ўрадавай дэлегацыі ва Узбекістане, перадае карэспандэнт БЕЛТА.

"Узбекістан для нашай краіны з'яўляецца адным з ключавых партнёраў. Ён займае чацвёрты радок у рэйтынгу паставак прадуктаў харчавання з Беларусі. Аснову нашай экспартнай карзіны складае мяса (каля 70 працэнтаў), вельмі нядрэнная дынаміка па мінулым годзе. Мы з калегамі дамовіліся, што будзем захоўваць і прырастаць у аб'ёмах паставак на рынак Узбекістана ў гэтым годзе. Вызначылі індыкатыўныя аб'ёмы для забеспячэння рытмічнасці паставак", - сказаў Аляксандр Якоўчыц.

Частка партфеля паставак - прадукцыя перапрацоўкі малака. "Тут мы таксама дабаўляем кратна і па сухім абястлушчаным малаку, і па сухім натуральным малаку. Дынамічна працуем па пастаўках дзіцячага харчавання. Імпартуем з Узбекістана некаторыя віды ягад, фруктаў, тое, што ў Беларусі не вырошчваецца. Бар'ераў у супрацоўніцтве з гэтай краінай у нас няма", - адзначыў намеснік міністра.

Урадавая дэлегацыя на чале з прэм'ер-міністрам Аляксандрам Турчыным гэтымі днямі наведвае Узбекістан.

версія для друку

зрабіць стартавай

дабавіць у выбранае