Бізнес-навіны

Месца прыцяжэння бізнес-колаў. Дом Беларусі адкрыўся ў Лівіі

26 мая, Мінск /Кар. БЕЛТА/. Віцэ-прэм'ер Віктар Каранкевіч прыняў удзел у цырымоніі адкрыцця Дома Беларусі ў Бенгазі (Лівія), паведамілі БЕЛТА ў прэс-службе ўрада Беларусі.

"Дом Беларусі будзе месцам прыцяжэння суб'ектаў гаспадарання, бізнес-колаў, дзе будзе магчымасць правядзення сустрэч, абмеркавання канкрэтных кантрактаў і іх заключэння. Гэта будзе месца, дзе мы будзем пераходзіць ад слоў непасрэдна да справы", - адзначыў Віктар Каранкевіч.

Бакі маюць намер развіваць супрацоўніцтва па многіх напрамках, сярод іх прамысловасць, сельская гаспадарка, ахова здароўя. Паглыбіць супрацоўніцтва дамовіліся і па лініі парламентаў. Беларуская дэлегацыя таксама азнаёмілася з лівійскімі аб'ектамі аховы здароўя. Лівійскі бок максімальна зацікаўлены ў супрацоўніцтве - ад падрыхтоўкі кадраў да пастаўкі лякарстваў.

Акрамя таго, прымаючаму боку падораны аўтобусы МАЗ, якія прыбылі ў пункт назначэння ўжо і гатовы да выкарыстання. "Калі яны добра сябе зарэкамендуюць, можа, па вуліцах Бенгазі будзе курсіраваць яшчэ больш беларускай тэхнікі", - дадалі ў прэс-службе.

версія для друку

зрабіць стартавай

дабавіць у выбранае