Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

1 Jun 2021

Мёрскі металапракатны завод пачаў пастаўку белай бляхі прадпрыемствам

Мёрскі металапракатны завод пачаў пастаўку белай бляхі прадпрыемствам
Фота з архiва

1 чэрвеня, Віцебск /Алеся Пушнякова - БЕЛТА/. Мёрскі металапракатны завод адгрузіў амаль 300 т белай бляхі Глыбоцкаму малочнакансерваваму камбінату, паведаміў карэспандэнту БЕЛТА генеральны дырэктар ТАА "ММПЗ-груп" Пётр Шымуковіч.

Мёрскі металапракатны завод пачаў пастаўляць сваю прадукцыю на беларускі рынак, і першым значным пакупніком стаў Глыбоцкі малочнакансервавы камбінат. Адзін з вядучых вытворцаў малочнай прадукцыі, у тым ліку згушчанага малака, якое мае вялікі попыт як на айчынным рынку, так і на замежным, набывае ў Мёрах белую бляху. Яе на прадпрыемстве выкарыстоўваюць для вытворчасці кансервавых бляшанак. "Глыбоцкаму МКК ужо адгрузілі больш за 275 т белай бляхі. Прадукцыя пад брэндам Miory Steel арыентавана пераважна на экспарт. Галоўны напрамак паставак - гэта краіны Еўрапейскага саюза. Туды экспартуем халоднакатаны метал. Гэты від прадукцыі і белую бляху адпраўляем таксама на расійскі рынак. Працуем па заказах прадпрыемстваў. Сумарна за ўвесь час вытворчасці адгрузілі больш за 250 вагонаў прадукцыі", - расказаў Пётр Шымуковіч.

Ён таксама дадаў, што гадавая вытворчая магутнасць ММПЗ складае 150 тыс. т белай бляхі і да 50 тыс. т таварнага халоднакатанага пракату. Белая бляха выпускаецца ў рулонах і лістах. Яна выкарыстоўваецца ў вытворчасці розных відаў бляшанак для кансервавання прадуктаў, накрывак для слоікаў, коркаў для шкляных бутэлек, аэразольных балонаў, тары для лакафарбавых матэрыялаў і іншых вырабаў. Гэта экалагічна бяспечны, трывалы і надзейны матэрыял, які забяспечвае высокую ступень аховы ад пранікнення бактэрый, вільгаці, святла і паху.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі