У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

9 Крс 2019

Мэр Абакана зацікаўлены ў беларускай тэхніцы, але наракае на няроўныя канкурэнтныя ўмовы для яе ў РФ

Мэр Абакана зацікаўлены ў беларускай тэхніцы, але наракае на няроўныя канкурэнтныя ўмовы для яе ў РФ

9 красавіка, Масква /Эдуард Півавар - БЕЛТА/. Перспектывы ўдзелу беларускіх прадпрыемстваў у муніцыпальным сектары эканомікі сталіцы Хакасіі Абакана абмяркоўваліся на сустрэчы Надзвычайнага і Паўнамоцнага Пасла Беларусі ў Расіі Уладзіміра Сямашкі з мэрам горада Мікалаем Булакіным. Яна адбылася ў час рабочага візіту дыпламата, што праходзіць 8-10 красавіка, у гэты расійскі рэгіён, паведамілі БЕЛТА ў прэс-службе дыпламатычнага прадстаўніцтва.

"Кіраўнік сталіцы Хакасіі падкрэсліў высокую якасць беларускай прадукцыі, якая ўжо прысутнічае ў рэгіёне, - праінфармавалі ў прэс-службе. - У прыватнасці, ён адзначыў набыццё рэспубліканскім Фондам капітальнага рамонту 120 магілёўскіх пасажырскіх ліфтаў для абаканскага жыллёвага фонду. Яшчэ адзін пазітыўны прыклад - бездакорная работа ў сталічнай муніцыпальнай гаспадарцы беларускай дарожна-будаўнічай тэхнікі. Мікалай Булакін выказаў упэўненасць у мэтазгоднасці далейшых закупак якаснай і даступнай па цане беларускай прадукцыі. Гораду патрабуецца тэхніка і для якаснай уборкі пясчана-гравійнай сумесі з гарадскіх вуліц пасля зімы".

Уладзімір Сямашка прапанаваў устанавіць доўгатэрміновыя гандлёвыя ўзаемавыгадныя адносіны ў плане продажу беларускай тэхнікі і харчовай прадукцыі. Пасажырскія транспартныя сродкі - трамваі, тралейбусы, электробусы, аўтобусы - карыстаюцца папулярнасцю ў расійскіх рэгіёнах. Актуальным уяўляецца і набыццё ўборачнай тэхнікі ў сувязі з федэральным законам, што ўступіў у Расіі ў сілу, аб утылізацыі і перапрацоўцы цвёрдых камунальных адходаў. Яна ўніверсальная для выканання розных відаў работ, у тым ліку і для бягучага ўтрымання дарожнай сеткі. Такую тэхніку Беларусь пастаўляе ў краіны Еўрасаюза. Пасол таксама адзначыў гатоўнасць працаваць па комплекснай мала- і шматпавярховай забудове, аж да праектавання і здачы пад ключ цэлых кварталаў, а таксама дарог з усёй неабходнай інфраструктурай, калі гэта актуальна для горада.

"Мінскі электратранспарт вельмі якасны, пагадзіўся Мікалай Булакін, але на яго не распаўсюджваецца расійская федэральная датацыя. Калі гэта пытанне вырашыць на ўзроўні расійскага ўрада ў мэтах узмацнення канкурэнтнасці вытворцаў, і мінскія электробусы, тралейбусы і іншыя пасажырскія транспартныя сродкі ўвайшлі б у схему продажу па стартавай цане з датацыйнай кампенсацыяй, то з'явілася б упэўненая перспектыва іх набыцця для абслугоўвання новых кварталаў горада. Мэр Абакана таксама адзначыў, што сталіца Хакасіі мае вялікую патрэбнасць у высокакваліфікаваных падрадчыках, асабліва ў пытаннях праектавання сацыяльных аб'ектаў - спартыўных, адукацыйных", - адзначылі ў дыпмісіі.

У Абакане было падпісана пагадненне аб супрацоўніцтве паміж ТАА "Муніцыпальная лізінгавая кампанія" і ТАА "Амкадор-Краснаярск", якое з'яўляецца афіцыйным дылерам ААТ "Амкадор". Заключаны таксама дагавор на пастаўку ў Хакасію вялікай партыі беларускіх ліфтаў.

Уладзімір Сямашка наведаў таксама Саяна-Шушанскую ГЭС і АТ "ВК "Разрэз Стэпавы". На разрэзе "Стэпавы", што ўваходзіць у групу САФМАР Міхаіла Гуцарыева кампаніі "Рускі вугаль", якая вядзе распрацоўку Чарнагорскага каменнавугальнага радовішча Мінусінскага вугальнага басейна, задзейнічана 37 велікагрузных БелАЗаў. Напярэдадні візіту пасла прадпрыемства па інвестыцыйнай праграме набыло яшчэ два аўтасамазвалы БелАЗ-75131 грузапад'ёмнасцю 130 т. Пасол азнаёміўся з работай прадпрыемства, правёў кароткія перагаворы з кіраўніцтвам.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску