Бізнес-навіны

Мазепін: на сустрэчы з Лукашэнкам абмяркоўвалася міжнароднае супрацоўніцтва ў калійнай сферы

Фота з архiва

3 чэрвеня, Мінск /Кар. БЕЛТА/. На сустрэчы Прэзідэнта Беларусі Аляксандра Лукашэнкі з расійскім прадпрымальнікам Дзмітрыем Мазепіным абмяркоўвалася ў тым ліку і міжнароднае супрацоўніцтва ў калійнай сферы. Аб гэтым сам бізнесмен, акцыянер "Уралкалія", расказаў журналістам па выніках сустрэчы, перадае карэспандэнт БЕЛТА.

Ён паведаміў, што акрамя спартыўнай тэматыкі ў час сустрэчы з кіраўніком беларускай дзяржавы абмяркоўваліся таксама пытанні ўзаемадзеяння ў калійнай сферы.

"Я застаюся акцыянерам кампаніі "Уралкалій". Я не кірую кампаніяй, але ўсё роўна інтарэсы "Уралкалія" і "Беларуськалія" і тое, што адбываецца на рынку, - гэта важныя пытанні. І пытанні міжнароднага супрацоўніцтва, вядома, стаялі на парадку дня ў Прэзідэнта", - сказаў Дзмітрый Мазепін.

"Атрымана добрая ацэнка (таго. - Заўвага БЕЛТА), як мы апошнія гады працуем. Таму я рады, што мы можам абмяркоўваць не толькі спартыўныя, але і бізнес-пытанні", - падкрэсліў ён.

версія для друку

зрабіць стартавай

дабавіць у выбранае