Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

1 Крс 2021

МАЗ паставіў Мінску першую партыю аўтобусаў трэцяга пакалення

МАЗ паставіў Мінску першую партыю аўтобусаў трэцяга пакалення
Фота МАЗ

1 красавіка, Мінск /Кар. БЕЛТА/. Мінскі аўтамабільны завод адгрузіў "Мінсктрансу" першую партыю з чатырох дызельных аўтобусаў трэцяга пакалення МАЗ 303065, паведамілі БЕЛТА ў прэс-службе прадпрыемства.

Нізкападлогавыя аўтобусы маюць аптымальныя для горада габарыты: даўжыня - 12,43 м, шырыня - 2,55 м, а вышыня - 3,1 м. У салоне з камфортам умяшчаюцца да 110 пасажыраў, з іх 26 - на сядзеннях. МАЗ 303065 аснашчаны турбадызельным рухавіком класа Еўра-5 ад кампаніі Daimler магутнасцю 210 кВт і шасціступеньчатай каробкай-аўтаматам ад канцэрна ZF.

Салон аўтобуса выкананы па еўрапейскіх стандартах. Дасканала прадуманы поручні, на цэнтральнай пляцоўцы прадугледжана месца для людзей з абмежаванымі магчымасцямі і калясак. Вышыня падножкі ўсяго 32 см, дадаткова ўстаноўлена высоўная платформа з электрапрыводам.

Сярод цікавых навацый - USB-парты для зарадкі смартфонаў і планшэтаў на ўсіх радах сядзенняў. За камфортны клімат адказваюць пяць абагравальнікаў і кандыцыянер, прычым апошні можа працаваць як на ахаладжэнне, так і на абаграванне.

Месца вадзіцеля спраектавана з улікам самых высокіх патрабаванняў да эрганоміцы, яно зручнае і высокатэхналагічнае. Устаноўлена новая прыборная панэль, а камеры забяспечваюць 100-працэнтны агляд унутры і вакол аўтобуса.

Аўтобус мае незалежную пярэднюю падвеску з вялікім ходам і падоўжаную колавую базу. Тармазная сістэма пнеўматычная. У новым аўтобусе зніжаны ўзровень шуму і вібрацый у час руху, а канструкцыяй прадугледжаны сістэмы дапамогі вадзіцелю.

Мінскі аўтамабільны завод - адно з буйнейшых беларускіх машынабудаўнічых прадпрыемстваў, якое спецыялізуецца на выпуску велікагрузных аўтамабіляў, спецтэхнікі, аўтобусаў, тралейбусаў і прычапной тэхнікі. Гандлёвая марка МАЗ шырока вядома ў СНД і далёкім замежжы. Тэхніка адпавядае экалагічным стандартам Еўра-5, 6. З канвеера завода сыходзяць седлавыя цягачы, бартавыя аўтамабілі, шасі пад устаноўку рознага спецабсталявання - усяго больш за 500 мадэлей і мадыфікацый.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі