Бізнес-навіны
Мацвіенка і Мясніковіч прадэгуставалі разам з сочынцамі беларускую прадукцыю на кірмашы-продажы
17 верасня, Сочы /Кар. БЕЛТА/. Кіраўнікі верхніх палат парламентаў Беларусі і Расіі Міхаіл Мясніковіч і Валянціна Мацвіенка прадэгуставалі разам з сочынцамі і гасцямі курортнага горада беларускую прадукцыю на кірмашы-продажы, перадае карэспандэнт БЕЛТА.
Спікеры азнаёміліся з кірмашом, які разгарнуўся на пляцоўцы Паўднёвы Мол сочынскага марскога порта. Міхаіл Мясніковіч і Валянціна Мацвіенка прадэгуставалі беларускую мясную і малочную прадукцыю, сустрэліся з сочынцамі. Асаблівую цікавасць у Валянціны Мацвіенка выклікалі беларускі трыкатаж і валёнкі.
У кірмашы, які працуе з 14 па 18 верасня, прымаюць удзел вытворцы беларускай сталіцы і ўсіх абласцей краіны. На кірмашы арганізавана культурная праграма з удзелам фальклорных калектываў рэгіёнаў Беларусі.
Кірмаш з'яўляецца часткай праграмы II Форуму рэгіёнаў Беларусі і Расіі, які праходзіць у Сочы 17-18 верасня. Асноўная яго тэма - прамысловая палітыка Саюзнай дзяржавы. У пленарным пасяджэнні форуму плануецца ўдзел больш як 350 прадстаўнікоў заканадаўчай і выканаўчай галін улады Беларусі і Расіі, рэгіёнаў, кіраўнікоў буйных прадпрыемстваў і бізнес-супольнасцей дзвюх краін.
версія для друку
зрабіць стартавай
дабавіць у выбранае