Бізнес-навіны

МАРГ разлічвае ў маі выйсці на запланаваную траекторыю інфляцыі

Фота з архiва

26 мая, Мінск /Кар. БЕЛТА/. МАРГ разлічвае ў маі выйсці на запланаваную траекторыю інфляцыі. Аб гэтым заявіў сёння журналістам міністр антыманапольнага рэгулявання і гандлю Уладзімір Калтовіч, перадае карэспандэнт БЕЛТА.

"Па маі мы знаходзімся, паводле нашых падлікаў, ніжэй за 100 працэнтаў (размова аб узроўні інфляцыі да аналагічнага перыяду мінулага года. - Заўвага БЕЛТА)", - сказаў міністр.

Такім чынам, падкрэсліў Уладзімір Калтовіч, адбываецца не інфляцыя, а дэфляцыя. "Спадзяёмся, што па выніку мая ўвойдзем у запланаваную траекторыю інфляцыі", - удакладніў ён.

Міністр адзначыў, што калі ў студзені-лютым інфляцыя знаходзілася ў запланаваных рамках, то ў сакавіку-красавіку інфляцыйныя працэсы паскорыліся, у першую чаргу пад уздзеяннем знешніх прычын. "У сакавіку-красавіку была сітуацыя з павышэннем цэн на тавары крытычнага імпарту, калі цэны на імбір, часнок, лімон, былі і іншыя тавары, выраслі. Акрамя таго, змяніліся спажывецкія запыты, людзі сталі купляць больш, на запас, робячы папраўку на магчымы дэфіцыт. Міністэрства антыманапольнага рэгулявання і гандлю разам з урадам аператыўна адрэагавалі на сітуацыю", - сказаў ён.

Уладзімір Калтовіч таксама падкрэсліў, што на кантролі МАРГ знаходзяцца цэны на сацыяльна значныя тавары, прынята пастанова, якая абмяжоўвае рост цэн на іх.

У цэлым міністр спадзяецца, што па годзе ўдасца ўкласціся ў запланаваныя 5 працэнтаў інфляцыі.

версія для друку

зрабіць стартавай

дабавіць у выбранае