У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

31 Май 2017

Малдова мае намер пашырыць эканамічнае супрацоўніцтва з Беларуссю

31 мая, Кішынёў /Андрэй Гусін - БЕЛТА/. Малдова выступае за пашырэнне эканамічнага супрацоўніцтва з Беларуссю і павелічэнне двухбаковага тавараабароту дзякуючы рэалізацыі ўжо запушчаных і новых праектаў. Аб гэтым заявіў прэм'ер-міністр Малдовы Павел Філіп на сустрэчы з паслом Беларусі ў Малдове Сяргеем Чычуком, паведамілі карэспандэнту БЕЛТА ва ўрадзе Малдовы.

Малдаўскі прэм'ер-міністр адзначыў, што Беларусь з'яўляецца традыцыйным партнёрам Малдовы, а двухбаковы дыялог - адкрытым і канструктыўным. Так, у мінулым годзе адбыліся перагаворы з Прэзідэнтам Беларусі Аляксандрам Лукашэнкам і прэм'ер-міністрам Андрэем Кабяковым, а таксама пасяджэнне беларуска-малдаўскай міжурадавай камісіі па гандлёва-эканамічным супрацоўніцтве.

"Мы павінны прадоўжыць запушчаныя ініцыятывы, у тым ліку якія датычацца эканамічнага супрацоўніцтва і пашырэння двухбаковага тавараабароту. У нас станоўчая эвалюцыя ў гэтым, на працягу першых трох месяцаў бягучага года тавараабарот значна павялічыўся. Трэба і далей выкарыстоўваць існуючыя магчымасці для пашырэння двухбаковага гандлю", - сказаў Павел Філіп.

На сустрэчы бакі таксама абмяняліся думкамі адносна афіцыйнага візіту прэм'ер-міністра Малдовы ў Беларусь 6-7 чэрвеня бягучага года. У сувязі з гэтым кіраўнік Кабміна выказаў упэўненасць, што яго сустрэча з афіцыйнымі асобамі ў Мінску, а таксама арганізаваныя ў гэты перыяд мерапрыемствы, у тым ліку бізнес-форум і Дні малдаўскай культуры ў Беларусі, будуць садзейнічаць паглыбленню двухбаковага партнёрства.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс