Бізнес-навіны

Расійская Федэрацыя з'яўляецца асноўным экспартным рынкам для беларускай фармацэўтычнай прамысловасці, доля экспарту ў гэты рэгіён складае каля 60-70 працэнтаў. "Рынак Расійскай Федэрацыі перанасычаны. Аднак дыстрыб'ютары бяруць нашы прэпараты, таму што яны маюць цэнавыя перавагі і добрую якасць", - сказаў Валерый Малашка.

Экспарт лекавых сродкаў у Расію ў 2016 годзе склаў $80 млн, за першы квартал 2017-га - $28 млн.

Паводле слоў міністра, цяпер адсутнічаюць праблемныя пытанні, якія перашкаджаюць нарошчванню аб'ёмаў экспарту беларускіх лякарстваў у Расію, а таксама створаны ўмовы для развіцця паспяховага і ўзаемавыгаднага супрацоўніцтва ў сферы паставак лекавых сродкаў на рынкі бакоў. У той жа час перспектыўным было б аб'яднанне некаторых лінеек прэпаратаў для выхаду на рынкі трэціх краін.

Пастаўкі лекавых сродкаў у Расію ажыццяўляюцца на падставе рэгістрацыйных пасведчанняў. Цяпер беларускія арганізацыі экспартуюць лякарствы ўласнай вытворчасці на падставе 166 рэгістрацыйных пасведчанняў. У тым ліку з пераліку неабходных і важнейшых лекавых прэпаратаў гэта 82 назвы.