Бізнес-навіны

Малагабарытная тэхніка МТЗ зацікавіла дэлегацыю Рэспублікі Паўночная Асеція-Аланія

Фота з архiва

13 лютага, Мінск /Кар. БЕЛТА/. Рэспубліка Паўночная Асеція - Аланія зацікаўлена ў закупцы малагабарытнай тэхнікі Мінскага трактарнага завода, паведамілі БЕЛТА на прадпрыемстве.

Мінскі трактарны завод напярэдадні наведала дэлегацыя Рэспублікі Паўночная Асеція-Аланія і асабіста кіраўнік рэспублікі Сяргей Мяняйла. Увазе гасцей прадставілі корпус зборкі трактароў, выстаўку трактарнай тэхнікі BELARUS, музей МТЗ, дзе адбыліся перагаворы.

Бакі выказалі зацікаўленасць у актывізацыі ўзаемавыгаднага супрацоўніцтва. Асабліва гасцей зацікавіла малагабарытная тэхніка BELARUS, якая можа выкарыстоўвацца для правядзення як сельскагаспадарчых, так і камунальных работ.

Мінскі трактарны завод - вядучы сусветны вытворца сельскагаспадарчай тэхнікі. За амаль 80-гадовую гісторыю на заводзе выраблена каля 4,1 млн трактароў, цяпер тэхніка выпускаецца пад брэндам BELARUS.

версія для друку

зрабіць стартавай

дабавіць у выбранае