Бізнес-навіны

Магчымасці адпачынку разам з дамашнімі гадаванцамі ў беларускіх санаторыях будуць пашырацца

Фота з архiва

1 лістапада, Мінск /Кар. БЕЛТА/. У Беларусі ёсць намер павялічыць колькасць месцаў у санаторыях і здраўніцах, куды можна прыехаць з дамашнімі гадаванцамі. Аб гэтым паведаміў сёння журналістам на прэс-канферэнцыі дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Балбатоўскі, перадае карэспандэнт БЕЛТА.

"Гэта прадугледжана ў адзінкавых санаторыях. Як правіла, гэта дазволена, дзе ёсць памяшканні, якія стаяць асобна, - сказаў Генадзь Балбатоўскі. - Мы ведаем, што трэба гэту тэму развіваць сумесна з органамі дзяржсанэпіднагляду і ветнагляду. Тэма цікавая і запатрабаваная, таму што колькасць дамашніх гадаванцаў павялічваецца".

Сетка санаторна-курортных і аздараўленчых арганізацый Беларусі прадстаўлена 307 здраўніцамі на 66 тыс. месцаў, з іх: 106 санаторна-курортных арганізацый на 29 тыс. месцаў і 201 аздараўленчая на 37 тыс. месцаў.

версія для друку

зрабіць стартавай

дабавіць у выбранае