У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

16 Ліс 2015

Мадэль эканамічнага развіцця Беларусі прадугледжвае пастаянную мадэрнізацыю механізмаў дзяржрэгулявання

16 лістапада, Мінск /Юлія Огнева - БЕЛТА/. Беларуская мадэль эканамічнага развіцця прадугледжвае пастаянны рух у бок мадэрнізацыі механізмаў дзяржаўнага эканамічнага рэгулявання. Аб гэтым заявіў сёння міністр эканомікі Беларусі Уладзімір Зіноўскі на цырымоніі адкрыцця V Міжнароднага форуму прадпрымальніцтва, якім адкрыўся Сусветны тыдзень прадпрымальніцтва ў Беларусі, перадае карэспандэнт БЕЛТА.

"Беларуская мадэль эканамічнага развіцця знаходзіцца не ў застылым стане, а прадугледжвае пастаянны мэтанакіраваны рух у бок мадэрнізацыі механізмаў дзяржаўнага эканамічнага рэгулявання. Галоўная мэта наступнай пяцігодкі - павышэнне канкурэнтаздольнасці эканомікі для росту дабрабыту і забеспячэння эканамічнай незалежнасці і сацыяльнай справядлівасці", - адзначыў Уладзімір Зіноўскі.

Таксама ён назваў асноўныя прыярытэты наступнай пяцігодкі. У прыватнасці, гэта забеспячэнне эфектыўнай занятасці насельніцтва і развіцця чалавечага капіталу. Будзе забяспечаны пераход ад палітыкі захавання рабочых месц да палітыкі максімізацыі аддачы ад кожнага рабочага месца", - растлумачыў міністр.

Другім напрамкам ён назваў рост і дыверсіфікацыю экспарту тавараў і паслуг, забеспячэнне збалансаванасці знешняга гандлю. "Гэты прыярытэт прадугледжвае рэалізацыю ў поўным аб'ёме інтэграцыйнага патэнцыялу ў рамках ЕАЭС, пашырэнне гандлёва-эканамічнага супрацоўніцтва з Еўрапейскім саюзам, ЗША, Кітаем, Індыяй. Трэба будзе ўзмацніць пазіцыі краіны на традыцыйных рынках і асвоіць новыя нішы ў краінах Лацінскай Амерыкі і Паўднёва-Усходняй Азіі, Блізкага Усходу і Афрыкі", - канстатаваў Уладзімір Зіноўскі.

"Акрамя таго, ён адзначыў важнасць забеспячэння інвестыцый і росту прадукцыйнасці працы. Паводле яго слоў, асноўным у інвестыцыйнай дзейнасці стане не экстэнсіўнае нарошчванне аб'ёмаў інвестыцый у асноўны капітал, а іх рэзультатыўнасць. Прадугледжваецца ўдасканаленне сістэмы кіравання эканомікай, укараненне новых падыходаў да мадэрнізацыі эканомікі, а атрыманне дзяржпадтрымкі выключна на канкурэнтнай, конкурснай аснове, фарміраванне паўнацэннага фінансавага рынку.

"Ключавымі ўмовамі стануць бездэфіцытны плацежны баланс і бюджэт пры зніжэнні знешняга незвязанага фінансавага доўгу і інфляцыі да 5 працэнтаў да 2020 года, нарошчванне золатавалютных рэзерваў да эканамічна бяспечнага ўзроўню", - сказаў Уладзімір Зіноўскі

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску