Бізнес-навіны

Лукашэвіч: санкцыі супраць беларускіх угнаенняў ставяць пад пагрозу глабальную харчовую бяспеку

Сяргей Лукашэвіч. Фота МЗС

6 мая, Мінск /Кар. БЕЛТА/. Беларусь гатова і далей актыўна працаваць над забеспячэннем глабальнай харчовай бяспекі. Аб гэтым першы намеснік міністра замежных спраў Беларусі Сяргей Лукашэвіч заявіў у інтэрв'ю бразільскаму выданню O Mundo Diplomatico, паведамляе БЕЛТА.

"Экспарт беларускіх угнаенняў уяўляе сабой важкі ўклад ва ўстойлівае развіццё сусветнай сельскай гаспадаркі і барацьбу з голадам. Беларусь гатова і далей актыўна працаваць над забеспячэннем глабальнай харчовай бяспекі, дзейна ўдзельнічаць у барацьбе з голадам, беднасцю, наступствамі змяненняў клімату", - сказаў Сяргей Лукашэвіч.

Ён падкрэсліў, што пагаршэнне сітуацыі з харчовай бяспекай у свеце выклікана не толькі глабальнымі крызісамі і змяненнем клімату, але і санкцыйнай палітыкай шэрага еўрапейскіх дзяржаў, уключаючы нашых суседзяў.

"Санкцыі абмяжоўваюць магчымасць паставак угнаенняў з Беларусі на міжнародныя рынкі, што ставіць пад пагрозу глабальную харчовую бяспеку. Цвяроза ацэньваючы згубныя наступствы такіх дзеянняў, Беларусь заклікае адмовіцца ад практыкі прымянення проціпраўных аднабаковых прымусовых мер. Спадзяёмся выкарыстаць вагу і патэнцыял БРІКС для пераадолення штучных санкцыйных перашкод, узведзеных краінамі Захаду на шляху экспарту беларускіх мінеральных угнаенняў", - заявіў першы намеснік міністра замежных спраў.-0-

версія для друку

зрабіць стартавай

дабавіць у выбранае