Бізнес-навіны

Лукашэнка заявіў аб гатоўнасці Беларусі дапамагаць Расіі будаваць АЭС за мяжой

25 верасня, Масква /Кар. БЕЛТА/. Прэзідэнт Беларусі Аляксандр Лукашэнка на Глабальным атамным форуме заявіў аб гатоўнасці Беларусі дапамагаць Расіі будаваць АЭС за мяжой, перадае карэспандэнт БЕЛТА.

Аляксандр Лукашэнка падзякаваў Прэзідэнту Расіі за тое, што ў Беларусі была пабудавана АЭС і беларускія спецыялісты атрымалі адпаведны вопыт: "Дзякуй за навуку, дзякуй, што вы зрабілі нашу краіну па-сапраўднаму ядзернай дзяржавай. Не шкадуючы ніякіх сакрэтаў, захоўваючы міжнароднае права, прынцыпы. Гатовы дзейнічаць і далей не толькі ў Беларусі, але і на міжнароднай арэне, дапамагаючы будаваць станцыі".

"Мы ўмеем ужо рабіць усё. Мы не можам толькі рэактар зварыць, зрабіць гэта. Гэта ўжо вашы кампетэнцыі. І не трэба (рабіць гэта ў Беларусі. - Заўвага БЕЛТА). Усё астатняе мы ўжо навучыліся рабіць. Гатовы рэалізоўваць ва ўсіх краінах-партнёрах і тых, хто яшчэ думае, якую станцыю пабудаваць. Мы гатовы ў гэтым удзельнічаць. Якасць, ужо магу сказаць з расіянамі разам, мы гарантуем", - заявіў беларускі лідар.

"Так, Нікол Ваваевіч, калі трэба, звяртайцеся. Калі Прэзідэнт (Расіі. - Заўвага БЕЛТА) адобрыць, мы гатовы пачаць", - звярнуўся Аляксандр Лукашэнка да прысутнага на форуме прэм'ер-міністра Арменіі Нікола Пашыняна.

версія для друку

зрабіць стартавай

дабавіць у выбранае