Бізнес-навіны

Лукашэнка: ВУП ЕАЭС за наступныя 10 гадоў трэба як мінімум падвоіць

Фота з архiва

26 чэрвеня, Мінск /Кар. БЕЛТА/. ВУП Еўразійскага эканамічнага саюза (ЕАЭС) за наступныя 10 гадоў трэба як мінімум падвоіць. Аб гэтым Прэзідэнт Беларусі Аляксандр Лукашэнка заявіў 26 чэрвеня на пленарным пасяджэнні Еўразійскага эканамічнага форуму "Стратэгія еўразійскай эканамічнай інтэграцыі: вынікі і перспектывы", перадае карэспандэнт БЕЛТА.

Кіраўнік дзяржавы канстатаваў, што геаграфія і функцыянал Еўразійскага эканамічнага саюза пашыраюцца. ЕАЭС сёння разам з дзяржавамі-партнёрамі - гэта пятая частка насельніцтва свету і самае вялікае аб'яднанне па плошчы.

"На гэтай вялізнай тэрыторыі сканцэнтравана чвэрць усіх разведаных відаў карысных выкапняў. Наш саюз займае першае месца ў свеце па здабычы нафты, другое - па здабычы газу і вытворчасці мінеральных угнаенняў, трэцяе - па вытворчасці пшаніцы, бульбы, жывёлагадоўчай прадукцыі і па працягласці чыгункі, чацвёртае - па здабычы вугалю, вытворчасці чыгуну і сталі, мяса і па агульнай працягласці аўтамабільных дарог", - заўважыў Аляксандр Лукашэнка.

Аднак заспакойвацца на дасягнутым ні ў якім разе нельга, перакананы Прэзідэнт. Бо пры ўсім гэтым ВУП ЕАЭС складае ўсяго толькі каля 4 працэнтаў у структуры сусветнага.

"Аб чым гэта сведчыць? Што патэнцыял нашага інтэграцыйнага аб'яднання не задзейнічаны на поўную моц. І за наступныя 10 гадоў мы павінны як мінімум падвоіць гэту лічбу, надаўшы новы імпульс інтэграцыі", - падкрэсліў беларускі лідар.

Ён канстатаваў, што частка важнейшых паказчыкаў у дзейнасці ЕАЭС не выканана. У многім вырашэнне гэтых праблем залежыць ад Еўразійскай эканамічнай камісіі і кіраўнікоў дзяржаў.

"У кожнага з маіх калег, прысутных тут, ёсць разуменне, якімі мы хочам бачыць нашы краіны ў сярэдне- і доўгатэрміновай перспектыве. Трэба знаходзіць і настойліва рэалізоўваць сумесныя меры, каб інтэграцыя давала дабаўленую вартасць. Каб людзям было відавочна: самастойна, без саюза, мы не змаглі б гэтага зрабіць так хутка і так добра", - заявіў Прэзідэнт.

версія для друку

зрабіць стартавай

дабавіць у выбранае