Бізнес-навіны

Лукашэнка: у Беларусі трэба настойліва пераходзіць на ацяпленне пелетамі, газ - толькі рэзерв

Фота з архiва

13 ліпеня, Шклоў /Кар. БЕЛТА/. У Беларусі трэба настойліва пераходзіць на ацяпленне пелетамі, а газ і іншыя крыніцы паліва выкарыстоўваць толькі як рэзерв. Аб гэтым Прэзідэнт Беларусі Аляксандр Лукашэнка заявіў у час рабочай паездкі ў Шклоўскі раён, дзе наведаў рэканструяваны аграсэрвіс, перадае карэспандэнт БЕЛТА.

Прэзідэнту далажылі, што кацельня ў аграсэрвісе працуе на драўняных пелетах. "Правільна. Паступова, настойліва трэба пераходзіць на ацяпленне пелетамі, дровамі і іншым. Вунь у палякаў цяпер завоблачныя цэны на пелеты. Не бяруць (у Беларусі гэту прадукцыю. - Заўвага БЕЛТА). Ну, як хочаце. Пелеты трэба тут. Трэба ацяпляць у Беларусі", - сказаў кіраўнік дзяржавы.

Ён падкрэсліў, што ў Беларусі вялікая колькасць мясцовай драўнянай сыравіны, якую трэба эфектыўна перапрацаваць і выкарыстоўваць. "Мы гэта ўмеем рабіць. Заводаў у нас хапае. Таму пелеты і яшчэ раз пелеты. Прыродны газ або іншая там крыніца паліва - толькі як рэзерв", - рэзюмаваў Аляксандр Лукашэнка.

версія для друку

зрабіць стартавай

дабавіць у выбранае