Бізнес-навіны

Лукашэнка просіць "Расатам" не сыходзіць з Беларусі і прапанаваў "аднавіць рух" па ядзерным цэнтры

25 верасня, Масква /Кар. БЕЛТА/. Прэзідэнт Беларусі Аляксандр Лукашэнка просіць расійскую дзяржкарпарацыю "Расатам" не сыходзіць з Беларусі і прапанаваў "аднавіць рух" па існуючым у краіне ядзерным цэнтры. Аб гэтым ён заявіў на Глабальным атамным форуме, перадае карэспандэнт БЕЛТА.

"Хачу вас (звяртаючыся да кіраўніка "Расатама" Аляксея Ліхачова. - Заўвага БЕЛТА) публічна яшчэ раз папрасіць не сыходзіць з Беларусі. Думаю, я змагу пераканаць Прэзідэнта Расіі ў тым, што ў Беларусі трэба прадаўжаць працаваць. І не толькі ў плане рэалізацыі нашых з вамі задумак з часоў Сяргея Кірыенкі (раней узначальваў "Расатам". - Заўвага БЕЛТА). Нам трэба прадаўжаць працаваць па многіх напрамках. Мірных і перш за ўсё ў галіне аховы здароўя", - сказаў кіраўнік дзяржавы.

"Вельмі прашу, каб мы з вамі (адобрыць, думаю, Прэзідэнт) аднавілі наш рух па ядзерным цэнтры ў Беларусі. Я яго захаваў, якім ён мне дастаўся з савецкіх часоў. Там пад кантролем Гросі (кіраўнік МАГАТЭ. - Заўвага БЕЛТА) знаходзіцца нямала добрых матэрыялаў. Вы ведаеце. Мы свята дамоўленасці свае выконваем", - дадаў Аляксандр Лукашэнка.

версія для друку

зрабіць стартавай

дабавіць у выбранае