Бізнес-навіны

Лукашэнка прапануе пазіцыянаваць ЕАЭС як глабальны транзітны хаб

Фота з архiва

26 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка прапануе пазіцыянаваць Еўразійскі эканамічны саюз (ЕАЭС) як глабальны транзітны хаб. Аб гэтым ён заявіў на пленарным пасяджэнні Еўразійскага эканамічнага форуму "Стратэгія еўразійскай эканамічнай інтэграцыі: вынікі і перспектывы", перадае карэспандэнт БЕЛТА.

Кіраўнік беларускай дзяржавы канстатаваў, што на поўдні і ўсходзе ў ЕАЭС сфарміраваны пояс добрасуседства, і прапанаваў змацаваць яго сеткай аўтамабільных дарог і чыгункі і транспартна-лагістычных хабаў.

"Інтэграваныя еўразійскія транспартна-лагістычныя калідоры павінны стаць разумнымі, мультымадальнымі, экалагічнымі артэрыямі з адзінай лічбавай платформай адміністравання, - сказаў Прэзідэнт. - Скарачэнне часу і кошту транзіту праз Еўразію павысіць канкурэнтаздольнасць маршруту ў параўнанні з марскімі шляхамі. Дасць магчымасць пазіцыянаваць ЕАЭС як глабальны транзітны хаб".

Аляксандр Лукашэнка прапанаваў разгледзець гэту ініцыятыву сумесна з краінамі-наглядальнікамі, а таксама ў рамках дыялогу ЕАЭС - ШАС.

версія для друку

зрабіць стартавай

дабавіць у выбранае