Афіцыйны сайт Рэспублікі Беларусь
Бізнес
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

22 Oct 2021

Лукашэнка пра рост цэн: людзям усё роўна, якія яны будуць у магазіне, былі б грошы

Лукашэнка пра рост цэн: людзям усё роўна, якія яны будуць у магазіне, былі б грошы
Фота з архiва

22 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка патрабуе падтрымліваць рост даходаў насельніцтва ў прывязцы да росту цэн. Аб гэтым ён заявіў сёння на нарадзе з кіраўніцтвам Савета Міністраў, перадае карэспандэнт БЕЛТА.

"Ёсць тэма, і вельмі важная, і яна правільная, якую ўзнімаюць людзі, - суадносіны росту цэн і даходаў насельніцтва. Людзям усё роўна, якія будуць цэны ў магазіне. Былі б грошы ў кішэні, каб па гэтых цэнах набыць тавар. І вось гэтыя прапорцыю і баланс трэба падтрымліваць што б там ні было", - падкрэсліў кіраўнік дзяржавы.

На яго думку, трэба больш актыўна растлумачваць людзям, што цэны на тавары і паслугі ўзаемазвязаны з фінансавым станам прадпрыемстваў, ад якога ў сваю чаргу залежыць дастатак работнікаў. "Рост цэн на нейкія тавары - гэта перш за ўсё дабрабыт тых калектываў, якія вырабляюць гэтыя тавары", - звярнуў увагу беларускі лідар.

"Калі на трактар расце цана, то больш грошай атрымлівае трактарны завод, працоўны калектыў. Але сялянам, прабачце мне, усё роўна, што там лепш жыве працоўны калектыў МТЗ. Яны заўсёды скардзяцца, што расце цана на трактар. Або ж на злобу дня - рост цэн на прадукты харчавання. Гараджан не цікавіць, і яны не радуюцца ад таго, што, калі цэны на бульбу або яшчэ нешта выраслі, то сяляне атрымалі хоць невялікую прыбаўку да сваёй заработнай платы, а калгасы і саўгасы, па-старому кажучы, атрымалі дадатковы заработак. Гараджан гэта не цікавіць, і людзі так не думаюць, - растлумачыў Прэзідэнт. - Трэба людзям гэта тлумачыць".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі