Бізнес-навіны

Лукашэнка пра інфляцыю: людзям патрэбна цэнавая стабільнасць, а не стабільны рост цэн

16 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка патрабуе трымаць на кантролі інфляцыйныя працэсы. Аб гэтым ён заявіў на нарадзе аб праектах прагнозных дакументаў на наступны год, перадае карэспандэнт БЕЛТА.

"Важнейшае пытанне - кантроль інфляцыі. Нагадаю, людзям патрэбна цэнавая стабільнасць, а не стабільны рост цэн!" - падкрэсліў кіраўнік дзяржавы.

Нацбанк сумесна з урадам прапануе яе на ўзроўні да 7 працэнтаў. "Значыць, трэба будзе прапісаць там "да", - адзначыў ён.

Аляксандр Лукашэнка расказаў, што нядаўна "дапытваў" першага віцэ-прэм'ера Мікалая Снапкова ў тым ліку па пытаннях цэнаўтварэння. "Вы мне дакладвалі. Вы за гэта несяце персанальную адказнасць. Мы яшчэ пагаворым на гэту тэму. Нам не трэба, як тут некаторыя пішуць, стрымліваць рост цэн, яшчэ нечага. Трэба справядлівае цэнаўтварэнне, каб людзі маглі купіць неабходнае", - нагадаў Прэзідэнт.

версія для друку

зрабіць стартавай

дабавіць у выбранае