Бізнес-навіны

Лукашэнка пра эканамічнае развіццё: ніякай ломкі не павінна быць!

21 студзеня, Мінск /Кар. БЕЛТА/. Ніякай ломкі ў эканоміцы не павінна быць. Аб гэтым Прэзідэнт Беларусі Аляксандр Лукашэнка заявіў 21 студзеня ў час сустрэчы з працоўным калектывам Мінскага аўтамабільнага завода і іншых прадпрыемстваў холдынга, перадае карэспандэнт БЕЛТА.

"Зыходзячы з вопыту нашай з вамі работы, мы пакрыху-пакрыху, стоячы на ​​плячах тых пакаленняў, гігантаў нашых, прадаўжаем выбудоўваць нашу эканоміку. Ніякай ломкі не павінна быць! Усё з нечага вырастае. Можа, нешта і трэба зламаць, як мы зламалі старыя фермы. Але заўтра (на іх месцы. - Заўвага БЕЛТА) павінен быць самы сучасны малочнатаварны комплекс", - падкрэсліў Аляксандр Лукашэнка.

"Будзем пакрыху рухацца. Але што для гэтага трэба, банальна паўтару чарговы раз, - кожны з нас павінен рабіць сваю справу. Вы на сваім працоўным месцы робіце тое, што належыць, я - на сваім. Калі мы будзем рабіць, і не проста рабіць, а спраўляцца з гэтай работай, мы будзем жыць нармальна, без вайны", - заявіў Прэзідэнт.

версія для друку

зрабіць стартавай

дабавіць у выбранае