Бізнес-навіны
Лукашэнка патрабуе зніжэння сабекошту будматэрыялаў
28 ліпеня, Мінск /Таццяна Паляжай - БЕЛТА/. Прэзідэнт Беларусі Аляксандр Лукашэнка патрабуе зніжэння сабекошту будматэрыялаў. Такую задачу ён паставіў сёння на нарадзе аб праблемных пытаннях развіцця вытворчасці будаўнічых матэрыялаў і шляхах іх вырашэння, перадае карэспандэнт БЕЛТА.
Аляксандр Лукашэнка запатрабаваў зніжэння выдаткаў у галіне па ўсіх магчымых напрамках. Зніжэнне сабекошту неабходна для эфектыўных продажаў і канкурэнцыі на рынках суседніх краін.
Як адзначыў міністр архітэктуры і будаўніцтва Анатоль Чорны, сёння ёмістасць рынкаў будаўнічай індустрыі крыху зменшылася, знізілася інвестыцыйная актыўнасць, у тым ліку ў суседніх з Беларуссю краінах. У Беларусі ёсць прафіцыт магутнасцей.
У сувязі з гэтым урад звярнуўся да Прэзідэнта з просьбай аказання дзяржаўнай падтрымкі, у прыватнасці, прадпрыемствам цэментнай і шкляной прамысловасці. Аляксандр Лукашэнка падкрэсліў, што асноўным крытэрыем для аказання фінансавай падтрымкі гэтым прадпрыемствам з'яўляецца максімальнае зніжэнне сабекошту. Толькі калі будуць паказаны вынікі па гэтым параметры, дапушчальна будзе гаварыць аб разглядзе пытання магчымай дзяржпадтрымкі гэтых прадпрыемстваў.
У час нарады Прэзідэнт звярнуў увагу таксама на неабходнасць абароны ўнутранага рынку.
версія для друку
зрабіць стартавай
дабавіць у выбранае