Бізнес-навіны

Лукашэнка патрабуе ўзмацніць работу па асноўных рынках

16 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка заявіў пра неабходнасць узмацніць работу па асноўных рынках. Аб гэтым ішла размова на нарадзе аб праектах прагнозных дакументаў на будучы год, перадае карэспандэнт БЕЛТА.

"Трэба ўзмацніць патрабаванне за эфектыўную работу ў Казахстане, Узбекістане, Азербайджане. Гэта з вашай падачы. Вы маеце рацыю. Там немалы рынак, і яны нас чакаюць, - сказаў кіраўнік дзяржавы. - Трэба ўзмацніць работу па асноўных нашых рынках".

Ён адзначыў, што нядаўна Прэзідэнт Расіі прывёў прыклад аб тым, што двухбаковы беларуска-расійскі абарот вышэйшы за сумарныя адносіны Расійскай Федэрацыі з усімі краінамі СНД разам узятымі.

"Прыемны факт. Дык хіба для нас гэта не сігнал ісці на гэтыя рынкі, дзе з часоў СССР ужо кратна вырасла насельніцтва і ёсць велізарная патрэбнасць ва ўсім - ад прадуктаў харчавання да прамысловых тавараў?" - паставіў пытанне Прэзідэнт.

Кіраўнік дзяржавы адзначыў, што ў шэрагу краін СНД, як, напрыклад, ва Узбекістане, ідзе значны штогадовы прырост насельніцтва. "Іх жа трэба накарміць. А каб накарміць, трэба глебу апрацаваць. У нас жа гэта ўсё ёсць (для апрацоўкі глебы і работы сельскай гаспадаркі ў цэлым. - Заўвага БЕЛТА). З Шаўкатам Мірамонавічам (Прэзідэнт Узбекістана Шаўкат Мірзіёеў. - Заўвага БЕЛТА) у нас выдатныя адносіны, як з усімі кіраўнікамі дзяржаў. У тым ліку Казахстан - велізарная зямля, 20 млн насельніцтва".

Аляксандр Лукашэнка падкрэсліў, што галоўнае - забяспечваць высокую якасць прадукцыі, паколькі гэта галоўны брэнд Беларусі. "І губернатары расійскія, расіяне (я ўжо аб гэтым гаварыў) з задавальненнем купляюць беларускае, калі нават яно крыху даражэйшае, чым з іншых краін", - сказаў ён.

версія для друку

зрабіць стартавай

дабавіць у выбранае