У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

16 Лют 2018

Лукашэнка патрабуе дакладна вызначыць сыравінныя зоны вырошчвання цукровых буракоў

16 лютага, Слуцк /Аліна Грышкевіч - БЕЛТА/. Прэзідэнт Беларусі Аляксандр Лукашэнка патрабуе дакладна вызначыць сыравінныя зоны вырошчвання цукровых буракоў. На гэтым кіраўнік дзяржавы акцэнтаваў увагу сёння ў ходзе наведвання Слуцкага цукрова-рафінаднага камбіната, перадае карэспандэнт БЕЛТА.

Кіраўнік дзяржавы падкрэсліў, што вырошчванне цукровых буракоў трэба перамяшчаць туды, дзе будзе высокая рэнтабельнасць, дзе гаспадаркі зацікаўлены ў іх вытворчасці.

Прэзідэнта праінфармавалі аб развіцці цукровай галіны і арганізацыі вытворчасці імпартазамяшчальнай цукразмяшчальнай прадукцыі. Ён азнаёміўся з мадэрнізаваным прадпрыемствам, укараненнем тут прагрэсіўных сучасных тэхналогій, а таксама выстаўкай прадукцыі, вырабляемай цукраперапрацоўчымі прадпрыемствамі краіны.

У мінулым годзе праводзілася аптымізацыя сыравінных зон па вытворчасці цукровых буракоў, у склад якіх увайшло 389 гаспадарак 50 раёнаў Брэсцкай, Гродзенскай, Мінскай і Магілёўскай абласцей (для параўнання: у 2007 годзе вырошчваннем цукровых буракоў займаліся 570 гаспадарак у 57 раёнах пяці абласцей).

У мінулым годзе атрыманы максімальны валавы збор цукровых буракоў, галіной нарыхтавана 4927,2 тыс. т караняплодаў, або 115 працэнтаў да ўзроўню 2016 года. Цукровымі арганізацыямі ў поўным аб'ёме выканана заданне па нарыхтоўцы цукровых буракоў у лік дзяржзаказу.

Як праінфармавалі Прэзідэнта, на Слуцкім камбінаце ў аптымальныя тэрміны (за 125 дзён) быў перапрацаваны рэкордны ўраджай караняплодаў пры стапрацэнтнай загрузцы магутнасцей.

З улікам рэзкага зніжэння цэн на белы цукар у Расіі былі прыняты меры па дыверсіфікацыі экспарту. У 2017 годзе белы цукар пастаўляўся ў 16 краін свету.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс