У Беларусь без візы на 30 дзён
Афіцыйны сайт Рэспублікі Беларусь
ВЫБАРЫ ў Палату прадстаўнікоў Нацыянальнага сходу Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

12 Врс 2016

Лукашэнка паставіў задачу за два дні дасягнуць дамоўленасці з Расіяй па энерганосьбітах

12 верасня, Мінск /Кар. БЕЛТА/. Прэзідэнт Беларусі Аляксандр Лукашэнка паставіў задачу на працягу двух дзён дасягнуць канчатковай дамоўленасці з расійскім бокам па пастаўках энерганосьбітаў. Такі вынік рабочай сустрэчы кіраўніка дзяржавы з віцэ-прэм'ерам Уладзімірам Сямашкам, перадае карэспандэнт БЕЛТА.

"Я азнаёміўся з вашым дакладам па перагаворах у Маскве па гарачых слядах. Хацеў бы, каб вы мне расказалі больш падрабязна, як будзем далей дзейнічаць. Таму што кожны год вяртацца такім чынам да гэтых праблем, напэўна, наогул сумна. Канец года, а мы за мінулы год пачынаем заднім чыслом вырашаць праблемы забеспячэння краіны тым, без чаго яна жыць не можа - без энерганосьбітаў", - заявіў Прэзідэнт.

"Гэта ўжо стала такой тэмай кухонных размоў. Думаю, гэта недапушчальна. Людзі не павінны хвалявацца. Наогул гэта нашы пытанні. Як бы ні было складана, мы іх павінны вырашаць", - падкрэсліў кіраўнік дзяржавы.

Прэзідэнт нагадаў таксама аб пастаўленай задачы мець у наяўнасці альтэрнатыўныя варыянты. "Усюды павінна быць альтэрнатыва, як бы ні было складана. І па прыродным газе (гэта складаней, вядома), а па нафце тым больш", - сказаў Аляксандр Лукашэнка.

Кіраўнік дзяржавы адзначыў, што ў час сустрэчы на маючым адбыцца саміце ў Бішкеку, магчыма, будзе неабходна абмеркаваць нейкія пытанні ў цэлым па беларуска-расійскіх адносінах.

Як расказаў журналістам Уладзімір Сямашка па выніках сустрэчы, ён далажыў Прэзідэнту аб сітуацыі па перагаворах з Расіяй аб умовах паставак прыроднага газу і нафты ў Беларусь. "Гэтыя перагаворы вядуцца ўжо даўно - з канца 2015 года. Мы распрацавалі некалькі падыходаў да цэнаўтварэння, грунтуючыся на тых міжурадавых пагадненнях, якія мы падпісалі ў папярэднія перыяды", - адзначыў віцэ-прэм'ер.

Уладзімір Сямашка нагадаў, што адпаведныя дакументы датычацца доступу да газатранспартнай сістэмы, цэнаўтварэння на прыродны газ. Гэта ў тым ліку падпісаны ў Астане пакет дакументаў аб Еўразійскім эканамічным саюзе, мэта якога заключаецца ў стварэнні роўных умоў гаспадарання.

"Грунтуючыся на гэтых базавых дакументах, мы прапрацавалі тры магчымыя варыянты цэнаўтварэння для Беларусі", - адзначыў віцэ-прэм'ер.

Паводле яго слоў, апошні варыянт абмяркоўваўся з расійскім віцэ-прэм'ерам Аркадзем Дварковічам на мінулым тыдні. "Заўтра-паслязаўтра мы будзем прадаўжаць гэтыя перагаворы. Сёння я атрымаў даручэнне ад Прэзідэнта абмеркаваць усе тры магчымыя варыянты і выбраць найбольш аптымальны для дзвюх краін. Прэзідэнт паставіў вельмі жорсткі тэрмін - літаральна за два дні - да 14 верасня ўключна - мы павінны выйсці на падпісанне пратакола. Зацягваць далей гэты працэс нельга. Таму што зацягванне мае выдаткі і палітычныя, і эканамічныя", - расказаў Уладзімір Сямашка.

Ён адзначыў, што найбольш выгадным для Беларусі быў бы варыянт роўнадаходных цэн, які ў тым ліку закладзены ў раней падпісаных пагадненнях.

Другі кампрамісны варыянт заключаецца ў прывязцы да ўнутрырасійскіх цэн з шэрагам умоў. У сувязі з гэтым віцэ-прэм'ер нагадаў, што да 1 ліпеня 2019 года ў ЕАЭС павінны стварыць адзіны рынак электраэнергіі, а да 1 студзеня 2025 года - адзіны рынак вуглевадародаў. "Паўстае пытанне, як можна прыйсці да адзінага рынку электраэнергіі, калі цана газу на электрастанцыі ў Беларусі будзе не менш як у два разы вышэйшая, чым у Расіі. І мы будзем неканкурэнтаздольныя. Мы тады вымушаны будзем усю электраэнергію імпартаваць. А мы такія грошы ўклалі ў станцыю, мы, наадварот, мяркуем, што можам прэтэндаваць і на экспарт", - сказаў віцэ-прэм'ер.

Трэці варыянт, які прапанавала разгледзець Расія, прадугледжвае пэўныя субсідыі.

"Тры гэтыя варыянты мы павінны абмеркаваць і выбраць галоўнае", - дадаў Уладзімір Сямашка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс