У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

18 Ліп 2016

Лукашэнка падтрымаў стратэгію Банка развіцця на 2016-2020 гады

18 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка падтрымаў стратэгію Банка развіцця на 2016-2020 гады, паведаміў сёння журналістам старшыня праўлення Банка развіцця Сяргей Румас пасля даклада кіраўніку дзяржавы, перадае карэспандэнт БЕЛТА.

Сяргей Румас расказаў, што Банк развіцця выканаў сваю першую стратэгію на 2013-2015 гады і Прэзідэнту было сёння падрабязна даложана аб выкананні ўсіх ключавых паказчыкаў. "Мы сёння завяршаем работу над новай стратэгіяй, таму было неабходна абмеркаваць з кіраўніком дзяржавы новыя функцыі, якія будуць у Банка развіцця, звязаныя з яго ўсё больш узрастаючай роляй у эканоміцы Беларусі, - адзначыў старшыня праўлення банка. - Прэзідэнт згадзіўся з падыходамі, якія былі мной прапанаваны. І сёння гэтыя прапановы будуць унесены ўжо ў праект новай стратэгіі, якая ў чацвер будзе разгледжана на пасяджэнні наглядальнага савета Банка развіцця".

Сяргей Румас удакладніў, што цяпер ідзе работа над удакладненнем мандата Банка развіцця, які сёння вызначаны адзіным каардынатарам пры крэдытаванні дзяржпраграм. "Усе новыя праекты, якія дзяржава плануе фінансаваць, будуць фінансавацца выключна Банкам развіцця і ў пераважнай большасці на конкурснай аснове. Адпаведна, гэта патрабуе замацавання ў нашай стратэгіі і змянення алгарытму работы з дзяржаўнымі органамі і прадпрыемствамі", - растлумачыў Сяргей Румас.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску