Бізнес-навіны

Лукашэнка паабяцаў вучоным "неймаверныя грошы". Расказваем, за што

14 лістапада, Мінск /Кар. БЕЛТА/. Прэзідэнт Беларусі абяцае беларускім вучоным "неймаверныя грошы", калі яны распрацуюць прымальны варыянт айчынных батарэй для электратранспарту. Аб гэтым Аляксандр Лукашэнка заявіў на нарадзе аб выніках работы БелАЭС, павелічэнні электраспажывання і прапановах аб будаўніцтве новых атамных магутнасцей, перадае карэспандэнт БЕЛТА.

"Электрамабілі. Ужо сёння ўсе рынуліся. Таксама кавалак вялікі. Ну і эканоміку трэба ж развіваць. А без электрычнай энергіі якая эканоміка? Мы ж машынабудаўнічая краіна. Ды і ў сельскай гаспадарцы. Мы практычна ўсюды можам перавесці наш транспарт у сельскай гаспадарцы, наогул па краіне, на электрычнасць", - сказаў Прэзідэнт.

Ён нагадаў, што кіраўнік Нацыянальнай акадэміі навук абяцаў распрацаваць у Беларусі айчынную электрабатарэю, што ў выпадку поспеху дало б магчымасць не закупляць адпаведныя камплектуючыя за мяжой.

"Вось гэта будзе прарыў. Вось няхай нашы вучоныя пакажуць свой спрыт. Атрымаеце неймаверныя грошы за гэта. Тым больш, гэта ж не навінка", - сказаў Аляксандр Лукашэнка.

версія для друку

зрабіць стартавай

дабавіць у выбранае