Бізнес-навіны

Лукашэнка: індустрыяльны патэнцыял ЕАЭС выкарыстаны далёка не на поўную моц

21 снежня, Санкт-Пецярбург /Кар. БЕЛТА/. Індустрыяльны патэнцыял ЕАЭС выкарыстаны далёка не на поўную моц. Аб гэтым Прэзідэнт Беларусі Аляксандр Лукашэнка заявіў на пасяджэнні Вышэйшага Еўразійскага эканамічнага савета ў пашыраным складзе, перадае карэспандэнт БЕЛТА.

Гаворачы пра індустрыяльны рост і тэхналагічнае развіццё, Аляксандр Лукашэнка адзначыў, што ў новай пяцігодцы намаганні краін ЕАЭС трэба засяродзіць на фарміраванні агульнай прасторы кааперацыйнага ўзаемадзеяння і актывізацыі працэсаў тэхналагічнага развіцця.

"Відавочна, што індустрыяльны патэнцыял ЕАЭС выкарыстаны далёка не на поўную моц. Упэўнены, мы гатовы да рэалізацыі канкрэтных кааперацыйных праектаў у ключавых галінах і тэхналагічных сферах", - падкрэсліў ён.

Беларускі лідар таксама звярнуў увагу на рост цікавасці з боку рэальнага сектара эканомікі да прапанаваных у рамках ЕАЭС інструментаў фінансавай падтрымкі.

версія для друку

зрабіць стартавай

дабавіць у выбранае