Бізнес-навіны

Лукашэнка назначыў Таццяну Харлап кіраўніком адміністрацыі індустрыяльнага парка "Вялікі камень"

15 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка назначыў Таццяну Харлап кіраўніком дзяржаўнай установы "Адміністрацыя Кітайска-Беларускага індустрыяльнага парка "Вялікі камень", перадае карэспандэнт БЕЛТА.

Да гэтага часу Таццяна Харлап працавала на пасадзе генеральнага консула ў Спецыяльным адміністрацыйным раёне Ганконг (Кітайская Народная Рэспубліка).

"Што датычыцца "Вялікага каменя", я так падумаў, а справішся? Там не проста будзе. Там ужо аснова ёсць, але кожны год трэба дабаўляць", - сказаў пры назначэнні Аляксандр Лукашэнка.

Кіраўнік Адміністрацыі Дзмітрый Крутой на гэта заўважыў, што Таццяна Харлап была якраз у ліку тых, хто першапачаткова ствараў гэты праект.

"Гэта ўсё ведаю. Але яна ж ужо консулам папрацавала", - адзначыў Аляксандр Лукашэнка.

Таццяна Харлап у сваю чаргу запэўніла, што і на новым месцы работы прыменіць напрацаваны вопыт.

"Галоўнае, што Кітай ведаеш. Парк сваё развіццё павінен атрымаць. Рэзультат давядзецца даваць", - сказаў Прэзідэнт.

версія для друку

зрабіць стартавай

дабавіць у выбранае