Бізнес-навіны

Лукашэнка: менавіта інтэлектуальныя тэхналогіі павінны стаць у Беларусі лакаматывам прагрэсу

8 лістапада, Полацк /Кар. БЕЛТА/. Менавіта інтэлектуальныя тэхналогіі павінны стаць у Беларусі лакаматывам прагрэсу. Аб гэтым кіраўнік дзяржавы Аляксандр Лукашэнка заявіў на абласным фестывалі "Дажынкі-2024" у Полацку, перадае карэспандэнт БЕЛТА.

"Адсутнасць прыродных пераваг і абумоўленыя ёю цяжкасці - халодны клімат, складаная глеба, недахоп выкапнёвых вуглевадародаў - мы павінны кампенсаваць тым, у чым асабліва моцныя, - інтэлектам, розумам. І гэта датычыцца не толькі Віцебшчыны", - адзначыў Аляксандр Лукашэнка.

Прэзідэнт падкрэсліў, што інтэлектуальны патэнцыял Беларусі каласальны. Рэспубліка адносіцца да катэгорыі дзяржаў з вельмі высокім узроўнем чалавечага развіцця. "У нас няма дурных людзей", - дадаў ён.

"Менавіта інтэлектуальныя тэхналогіі павінны стаць лакаматывам прагрэсу. Высокатэхналагічныя праекты з вельмі высокай ступенню аўтаматызацыі, рабатызацыі і іншымі сучаснымі формамі работы і ёсць аблічча аграпрамысловага сённяшняга дня, - сказаў кіраўнік дзяржавы. - Такі ўзровень арганізацыі вытворчасці будзе прывабным для маладых. Вёска павінна ісці ў нагу з часам. Нам трэба вярнуць у вёску моладзь і далучыць яе да вырашэння інавацыйных задач, ствараць умовы для гэтага і даваць магчымасць праявіць сябе".

версія для друку

зрабіць стартавай

дабавіць у выбранае