Бізнес-навіны
Лукашэнка: Будаваць другую ўзлётна-пасадачную паласу ў Нацыянальным аэрапорце Мінск трэба сваімі сіламі
22 снежня, Дзяржынскі раён /Кар. БЕЛТА/. Прэзідэнт Беларусі Аляксандр Лукашэнка лічыць магчымым пабудаваць другую ўзлётна-пасадачную паласу ў Нацыянальным аэрапорце Мінск сіламі айчынных будаўнічых і падрадных арганізацый. Аб гэтым кіраўнік дзяржавы заявіў сёння на цырымоніі адкрыцця руху па МКАД-2, перадае карэспандэнт БЕЛТА.
У час размовы кіраўніка дзяржавы з прадстаўнікамі працоўных калектываў дарожна-будаўнічых арганізацый-падрадчыкаў прагучала думка, што да будаўнічых работ у аэрапорце неабходна прыцягнуць беларускіх будаўнікоў. Аляксандр Лукашэнка падтрымаў такую ідэю і выказаў упэўненасць, што айчынныя арганізацыі справяцца з гэтай работай.
"Мы павінны пабудаваць узлётна-пасадачную паласу. Калі вы берацеся за гэта, размяркоўвайце падрад - толькі мы павінны пабудаваць, - падкрэсліў Прэзідэнт. - Што за праблема? Там, па-мойму, слой не 40 см, а 80 см. Няхай метр. Што мы не ўкладзём бетон? Укладзём. Тым больш, калі вы аб гэтым сказалі. Значыць, вы ўжо гатовы да таго, каб пабудаваць гэту паласу".
версія для друку
зрабіць стартавай
дабавіць у выбранае