Бізнес-навіны

Лукашэнка: Беларусь уваходзіць у тройку краін Еўропы з самай нізкай цаной на электрычнасць

Фота з архiва

14 лістапада, Мінск /Кар. БЕЛТА/. Беларусь уваходзіць у тройку краін Еўропы з самай нізкай цаной на электрычнасць. Аб гэтым кіраўнік дзяржавы Аляксандр Лукашэнка заявіў на нарадзе аб выніках работы БелАЭС, павелічэнні электраспажывання і прапановах аб будаўніцтве новых атамных магутнасцей, перадае карэспандэнт БЕЛТА.

"У нас 100 працэнтаў насельніцтва мае доступ да электраэнергіі. Пры гэтым у рэйтынгу краін Еўропы Беларусь займае 3-е месца, дзе самая нізкая цана на электрычнасць. Паводле даных рэйтынга, апублікаванага ў чэрвені 2025 года, самы нізкі кошт электраэнергіі ў Казахстане, Расіі і Беларусі", - сказаў Прэзідэнт.

Аляксандр Лукашэнка адзначыў, што за кошт выкарыстання электрычнасці для ацяплення і гарачага водазабеспячэння, будаўніцтва электрадамоў павышаецца камфортнасць пражывання соцень тысяч людзей. У 2021-2025 гадах узведзена звыш 2 млн кв.м такога жылля. На электраацяпленне пераходзяць і жыхары прыватных дамоў - за мінулы год пададзена больш за 160 тыс. заявак.

"Нам трэба людзям будаваць камфортнае жыллё. Каб ацяпленне было электрычнае. Гэта ўвогуле цуд для чалавека", - падкрэсліў беларускі лідар.

У краіне таксама развіваецца электратранспарт, прычым не толькі ў буйных гарадах. "Пілотныя праекты па пераводзе грамадскага транспарту на электрычны ўкаранёны ў Жодзіне, Наваполацку, Шклове. А ў цэлым на сённяшні дзень у краіне эксплуатуецца звыш 44 тысяч электрамабіляў і налічваецца больш як 1870 зарадных станцый", - прывёў даныя кіраўнік дзяржавы.

версія для друку

зрабіць стартавай

дабавіць у выбранае