Бізнес-навіны

Лукашэнка адобрыў праект мемарандума аб супрацоўніцтве ў мытных справах з Нігерыяй

Фота з архiва

26 чэрвеня, Мінск /Кар. БЕЛТА/. Кіраўнік дзяржавы Аляксандр Лукашэнка адобрыў у якасці асновы для правядзення перагавораў праект Мемарандума аб узаемаразуменні паміж урадам Рэспублікі Беларусь і ўрадам Федэратыўнай Рэспублікі Нігерыя аб супрацоўніцтве і ўзаемнай дапамозе ў мытных справах. Аб гэтым БЕЛТА паведамілі ў прэс-службе беларускага лідара.

Адпаведны ўказ нумар 246 кіраўнік дзяржавы падпісаў 26 чэрвеня.

Праектам мемарандума замацоўваюцца асноўныя прынцыпы і формы супрацоўніцтва паміж мытнымі органамі, парадак аказання ўзаемнай дапамогі, арганізацыі абмену інфармацыяй, а таксама ўзаемадзеяння па спыненні і расследаванні мытных правапарушэнняў.

Паўнамоцтвы на правядзенне перагавораў па праекце гэтага дакумента і яго падпісанне прадастаўляюцца Дзяржаўнаму мытнаму камітэту.

версія для друку

зрабіць стартавай

дабавіць у выбранае