Бізнес-навіны

Лукашэнка адобрыў папраўкі ў міжурадавае пагадненне з Расіяй у галіне экспарту нафты і нафтапрадуктаў

Фота з архiва

4 снежня, Мінск /Кар. БЕЛТА/. Прэзідэнт Беларусі Аляксандр Лукашэнка 4 снежня падпісаў указ нумар 454, якім адобрыў у якасці асновы для правядзення перагавораў праект пратакола аб унясенні змяненняў у пагадненне паміж урадамі Беларусі і Расіі аб мерах па ўрэгуляванні гандлёва-эканамічнага супрацоўніцтва ў галіне экспарту нафты і нафтапрадуктаў ад 12 студзеня 2007 года. Аб гэтым БЕЛТА паведамілі ў прэс-службе кіраўніка дзяржавы.

Гэты пратакол прадугледжвае падаўжэнне тэрміну дзеяння пагаднення да 31 снежня 2026 года і далей на наступныя гадавыя перыяды з захаваннем дзеючых у ім норм.

На правядзенне перагавораў па праекце дакумента і яго падпісанне ўпаўнаважаны ўрад Беларусі.

версія для друку

зрабіць стартавай

дабавіць у выбранае