Бізнес-навіны

Лукашэнка ў Гродзенскай вобласці: да 1 кастрычніка ўсё павінна быць пасеяна, далей няма чаго ўлазіць

Фота з архiва

19 верасня, Жыровічы /Кар. БЕЛТА/. Прэзідэнт Беларусі Аляксандр Лукашэнка арыентуе Гродзенскую вобласць на завяршэнне асенніх пасяўных работ да 1 кастрычніка. Аб гэтым ён заявіў у час рабочай паездкі ў Слонімскі раён, перадае карэспандэнт БЕЛТА.

"Я здзіўляюся (зразумела, зрушылі тэрміны) - усюды салома на палях. І нават салома там, дзе ў вас будзе пад траву", - выказаў ён нараканне ў адрас старшыні Гродзенскага аблвыканкама Юрыя Караева.

На запэўненні, што салому яшчэ ўбяруць, кіраўнік дзяржавы адрэагаваў не менш крытычна: "Дык убяром, але там палосы ўжо. Там ужо трава не ўзышла. Салому трэба ўбраць. Не ўбяром салому - немагчыма нічога рабіць на гэтым полі".

Потым Аляксандр Лукашэнка спытаў, што пасеяна па збожжавых.

Юрый Караеў далажыў, што на гэты момант пасеяна 30 працэнтаў плошчаў. У кожным раёне вобласці засталося пасеяць прыкладна па 8 тыс. га. "Тэмпы за апошнія два дні павысілі ўдвая - па 500 га (штодзённа. - Заўвага БЕЛТА) у кожным раёне сеем", - сказаў ён.

"Да 1 кастрычніка ў цябе ўсё павінна быць пасеяна. Далей няма чаго ўлазіць у пасяўную. Трэба пасеяць. Але не ўбярэш салому - не пасееш", - даручыў Аляксандр Лукашэнка.

версія для друку

зрабіць стартавай

дабавіць у выбранае