Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

7 Feb 2018

Латвійскія парты зацікаўлены ў транзіце беларускіх нафтапрадуктаў і грузаў з "Вялікага каменя"

7 лютага, Мінск /Кар. БЕЛТА/. Латвійскія парты зацікаўлены ў павелічэнні транзіту беларускіх нафтапрадуктаў і прыцягненні грузаў з Кітайска-беларускага індустрыяльнага парка "Вялікі камень", паведаміў прэм'ер-міністр Латвіі Марыс Кучынскіс журналістам па выніках перагавораў з беларускім калегам Андрэем Кабяковым, перадае карэспандэнт БЕЛТА.

"Мы зацікаўлены ў павелічэнні перавозкі нафтапрадуктаў праз латвійскія парты. Вядома, я таксама заклікаю палепшыць канкурэнтаздольнасць латвійска-беларускага транзітнага калідора, праводзячы электрыфікацыю чыгункі", - сказаў Марыс Кучынскіс.

Латвія таксама зацікаўлена ў развіцці трохбаковага супрацоўніцтва Латвіі, Беларусі і Кітая, асабліва ў сферы прыцягнення грузаў з індустрыяльнага парка "Вялікі камень" і іх транзіту праз латвійскія парты.

"Беларусь з'яўляецца і, я спадзяюся, застанецца важным партнёрам Латвіі па эканамічным супрацоўніцтве, буйнейшым партнёрам па знешнім гандлі сярод краін "Усходняга партнёрства", - падкрэсліў прэм'ер-міністр Латвіі.

Беларусь і Латвія ў 2021 годзе разам прымуць чэмпіянат свету па хакеі. Марыс Кучынскіс выказаў надзею, што ў фінале спаборніцтваў у Мінску згуляюць зборныя Латвіі і Беларусі. "Вельмі добрае пажаданне", - заўважыў Андрэй Кабякоў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі