Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

17 Dec 2018

Латушка лічыць пастаўку беларускіх драўляных дамоў драйверам росту экспарту ў Францыю

Латушка лічыць пастаўку беларускіх драўляных дамоў драйверам росту экспарту ў Францыю

17 снежня, Мінск /Кар. БЕЛТА/. Пасол Беларусі ў Францыі Павел Латушка ў праграме "Галоўны эфір" на канале "Беларусь 1" назваў пастаўкі беларускіх драўляных дамоў у Францыю драйверам росту экспарту, паведамляе БЕЛТА.

У мінулым годзе тэмп росту беларускага экспарту ў Францыю склаў 155 працэнтаў, у гэтым годзе назіраецца таксама добрая дынаміка, усяго пастаўляецца 250 таварных пазіцый. У першую чаргу гэта калійныя і азотныя ўгнаенні, але ідзе прырост дзякуючы таварам з высокай дабаўленай вартасцю. "Мы гаворым пра пастаўкі беларускіх дамоў - гэта драйвер росту. Калі мы паглядзім вынікі 9 месяцаў мінулага года, то прадукцыі дрэваапрацоўчай галіны было пастаўлена на французскі рынак на суму $16 млн. За 9 месяцаў бягучага - больш як на $17 млн. Гэта не толькі дамы, але і мэбля, кухні, - адзначыў ён. - Дзякуючы падпісанню пагаднення аб пастаўцы беларускіх дамоў мы ў бліжэйшы час падпішам дакумент аб пастаўцы беларускай пліткі на французскі рынак". Таксама Беларусь пастаўляе ў Францыю металакорд, агародніну і садавіну, лісічкі.

Гаворачы аб вялікай колькасці беларускіх культурных мерапрыемстваў, якія прайшлі ў Францыі ў апошнія гады, дыпламат расказаў, што іх наведала больш за 100 тыс. жыхароў гэтай краіны. Паводле яго слоў, дзякуючы культуры ліквідуюцца прабелы, пашыраецца інфармацыя пра Беларусь, бізнесмены цікавяцца краінай і гатовы наведаць яе, каб развіваць і эканамічныя сувязі.

На пытанне, наколькі паўплывала ўвядзенне бязвізавага рэжыму на павелічэнне колькасці замежных турыстаў у Беларусь, Павел Латушка адказаў, што ўзрос паток як французаў, так і іспанцаў, прадстаўнікоў іншых еўрапейскіх краін. "Важна працягваць крокі, накіраваныя на далейшую лібералізацыю ўезду ў Беларусь для замежных грамадзян. І тут важна думаць аб спрашчэнні працэдуры рэгістрацыі, магчымасці атрымаць шматразовыя візы. Гаварыць у перспектыве аб магчымасці атрымання электроннай візы. Усе гэтыя пытанні мы абмяркоўваем з Сусветнай турысцкай арганізацыяй, членам якой з'яўляецца Беларусь", - заўважыў ён.

Як паведамлялася, квартал беларускіх драўляных дамоў адкрыты ў французскім горадзе Вільру ў рэгіёне Латарынгія. Драўляныя дамы выраблены філіялам "Домабудаванне" Шклоўскага завода газетнай паперы. У Латарынгіі з беларускіх матэрыялаў пабудаваны ўжо 71 жылы дом, ёсць планы павялічыць забудову да 132 дамоў да канца 2019 года. У перспектыве плануецца падпісаць кантракт з французскай кампаніяй на пастаўку беларускай пліткі, якая будзе выкарыстана пры аддзелцы, а таксама кухняў беларускай вытворчасці для абсталявання дамоў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі