12 снежня, Мінск /Кар. БЕЛТА/. Кітайская кампанія Huawei зацікаўлена ў стварэнні ў Беларусі Цэнтра навуковых распрацовак. Гэта пытанне, а таксама шэраг іншых тэм, абмяркоўваліся на сустрэчы кіраўніцтва кампаніі Huawei з намеснікам прэм'ер-міністра Беларусі Анатолем Тозікам, паведамілі БЕЛТА ў прэс-службе ўрада.
Бакі разгледзелі перспектывы пашырэння дзейнасці кампаніі ў Беларусі, магчымасці доўгатэрміновага супрацоўніцтва, у тым ліку рэалізацыі інвестыцыйных праектаў на тэрыторыі Кітайска-беларускага індустрыяльнага парку.
Кампанія выказала зацікаўленасць у шматпрофільнай дзейнасці ў Беларусі, уключаючы стварэнне Цэнтра навуковых распрацовак Huawei, развіццё лагістыкі, сэрвіснае абслугоўванне і мадэрнізацыю тэлекамунікацыйнага абсталявання.
Кітайская кампанія Huawei заснавана ў 1987 годзе са штаб-кватэрай у свабоднай эканамічнай зоне ў горадзе Шэньчжэнь.Сёння гэта вядучы сусветны пастаўшчык інфакамунікацыйных рашэнняў. Дзякуючы інавацыйным распрацоўкам, арыентаваным на патрэбнасці кліентаў і развітой партнёрскай сеткі, кампанія дасягнула высокіх вынікаў у распрацоўцы тэлекамунікацыйных сетак, тэрміналаў і сістэм.
Пн | Аўт | Сер | Чцв | Пт | Сб | Нядз |
---|