Бізнес-навіны

Кітайская кампанія ў галіне робататэхнікі зацікаўлена ў супрацоўніцтве з "Вялікім каменем"

Фота з архiва

25 сакавіка, Мінск /Кар. БЕЛТА/. Прадстаўнікі кітайскай кампаніі Shanghai Turin Smart Robot Co.,Ltd. наведалі Кітайска-беларускі індустрыяльны парк "Вялікі камень", паведамілі БЕЛТА ў прэс-службе парка.

Госці азнаёміліся з прэферэнцыйным рэжымам парка, а таксама пабудаванай на тэрыторыі "Вялікага каменя" інфраструктурай. У час перагавораў бакі абмеркавалі магчымыя напрамкі супрацоўніцтва.

Кампанія Shanghai Turin Smart Robot Co.,Ltd. з'яўляецца адным з вядучых пастаўшчыкоў прамысловых інтэлектуальных інфармацыйных тэхналогій у сферы робататэхнікі.

Кітайска-беларускі індустрыяльны парк "Вялікі камень" - высокатэхналагічная міжнародная пляцоўка для вядзення бізнесу 25 км ад Мінска з сучаснай прамысловай архітэктурай, даступнай інфраструктурай і экалагічнымі рашэннямі. Індустрыяльны парк прадастаўляе кампаніям пляцоўку з доступам да гатовай вытворчай, інжынерна-транспартнай, мытнай і сацыяльна-адміністрацыйнай інфраструктуры, значнымі падатковымі прэферэнцыямі і асаблівай сістэмай абслугоўвання бізнесу.

версія для друку

зрабіць стартавай

дабавіць у выбранае