Бізнес-навіны

Крутой: Беларусь можа вельмі сур'ёзна дадаць у экспарце за кошт сегмента паслуг

Фота з архiва

10 лістапада, Мінск /Кар. БЕЛТА/. Беларусь можа вельмі сур'ёзна дадаць у экспарце за кошт сегмента паслуг. Аб гэтым заявіў журналістам кіраўнік Адміністрацыі Прэзідэнта Дзмітрый Крутой па выніках нарады ў кіраўніка дзяржавы, дзе абмяркоўвалася дапрацоўка праграмы сацыяльна-эканамічнага развіцця краіны на 2026-2030 гады, перадае карэспандэнт БЕЛТА.

"Дадаць у цэлым па экспарце Беларусі мы можам за кошт сегмента паслуг вельмі сур'ёзна", - упэўнены кіраўнік Адміністрацыі Прэзідэнта.

Ён адзначыў: на нарадзе гэту тэму закраналі на прыкладзе турызму, што абмяркоўвалася нядаўна ў час рабочай паездкі Аляксандра Лукашэнкі ў Бярэзінскі біясферны запаведнік. Размова не толькі аб экалагічным, але і медыцынскім турызме, адукацыйных паслугах і шэрагу іншых напрамкаў.

Дзмітрый Крутой падкрэсліў важнасць больш актыўнай работы па нарошчванні менавіта экспарту паслуг, каб Беларусь магла падтрымліваць сярэднесусветныя тэмпы росту эканомікі. Гэта дапаможа нівеліраваць рызыкі прасядання экспарту па асобных таварных пазіцыях у тыя ці іншыя перыяды. "У нас адкрытая эканоміка, мы вельмі моцна залежым ад экспарту", - адзначыў кіраўнік Адміністрацыі Прэзідэнта.

версія для друку

зрабіць стартавай

дабавіць у выбранае