У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

16 Жнв 2016

Кіраўнік Turkcell разлічвае на новыя маштабныя праекты паміж Беларуссю і Турцыяй

16 жніўня, Мінск /Кар. БЕЛТА/. Генеральны дырэктар Turkcell Каан Тэрзіаглу разлічвае на новыя маштабныя праекты паміж Беларуссю і Турцыяй. Аб гэтым ён паведаміў сёння журналістам, перадае карэспандэнт БЕЛТА.

Каан Тэрзіаглу адзначыў, што кампанія Turkcell гатова быць сувязным звяном у бізнес-узаемадзеянні паміж Беларуссю і Турцыяй. "На мінулым тыдні ў Анкары адбылася вельмі плённая і эфектыўная сустрэча памочніка Прэзідэнта Беларусі Усевалада Янчэўскага з галоўным саветнікам Прэзідэнта Турцыі па эканамічных пытаннях. Частка сустрэчы была прысвечана пытанням супрацоўніцтва дзвюх краін у галіне тэлекамунікацый, высокіх тэхналогій, інвестыцый у ІКТ, а таксама перспектывам работы нашай карпарацыі Turkcell у Беларусі", - расказаў ён.

Акрамя таго, ішла размова аб прапановах па змяненнях у сферы нарматыўнага прававога рэгулявання ў галіне тэлекамунікацый. "Лічу, што тыя змяненні, якія могуць адбыцца ў Беларусі, будуць карысныя ў першую чаргу для абанентаў. Акрамя таго, абмяркоўваліся пытанні замежных інвестыцый, гэта важна не толькі для нас, але і для іншых бізнесменаў, якія гатовы інвесціраваць у Беларусь", - дадаў генеральны дырэктар Turkcell.

Сёння Каан Тэрзіаглу правядзе сустрэчу з Усеваладам Янчэўскім у Мінску. Ён разлічвае, што да візіту Прэзідэнта Турцыі ў Беларусь удасца падрыхтаваць шэраг сумесных маштабных праектаў, дастойных для разгляду на ўзроўні кіраўнікоў дзяржаў. "Галоўнай тэмай сённяшняй сустрэчы будзе інфарматызацыя Беларусі і Турцыі, у тым ліку тое, што датычыцца інфарматызацыі паслуг аховы здароўя, адукацыі, іншых паслуг, што прадастаўляюцца дзяржорганамі. Некаторыя з гэтых паслуг прадастаўляюцца нашай кампаніяй у Турцыі, наша беларуская каманда таксама заўсёды аказвала пасільны ўклад у развіццё гэтага напрамку тут", - растлумачыў Каан Тэрзіаглу. Таксама на парадку дня пытанні падрыхтоўкі візіту Прэзідэнта Турцыі Эрдагана ў Беларусь, які адбудзецца ўжо хутка, дадаў ён.

Каан Тэрзіаглу пацвердзіў намер Turkcell прадоўжыць інвестыцыі ў развіццё мабільнага аператара life:). У другім квартале бягучага года life:) павялічыў свае даходы ў беларускіх рублях больш як на 25 працэнтаў, і аператар мае намер захаваць гэту тэндэнцыю. Яшчэ адна станоўчая тэндэнцыя - рост абаненцкай базы аператара, якая дасягнула 1,6 млн чалавек. Цяпер life:) - адзіны ў Беларусі аператар, які паказвае прырост абаненцкай базы.

ЗАТ "Беларуская сетка тэлекамунікацый" зарэгістравана 5 лістапада 2004 года. У ліпені 2008 года быў падпісаны дагавор куплі-продажу, згодна з якім 20 працэнтаў акцый ЗАТ "БеСТ" перайшло Дзяржаўнаму камітэту па маёмасці Беларусі і 80 працэнтаў - турэцкай кампаніі Turkcell. З таго часу аператар пачаў працаваць у Беларусі пад брэндам life:). За гады работы аператар запусціў 33 галасавыя тарыфы, 56 інтэрнэт-тарыфаў, наладзіў супрацоўніцтва з 271 роўмінг-партнёрам у 143 краінах, адкрыў 150 кропак продажу і абслугоўвання.

Галоўны акцыянер life:) Turkcell - лідар турэцкага рынку мабільнай сувязі, абанентамі якога ў Турцыі з'яўляюцца 34,5 млн чалавек, і трэці па велічыні GSM-аператар у Еўропе (66,5 млн абанентаў у 9 краінах свету).

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску