У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

11 Май 2018

Колькасць рэзідэнтаў "Вялікага каменя" ў 2019 годзе плануецца павялічыць да 55-60

11 мая, Мінск /Кар. БЕЛТА/. Колькасць рэзідэнтаў "Вялікага каменя" ў 2019 годзе плануецца павялічыць да 55-60 кампаній, паведаміў сёння кіраўнік адміністрацыі парка Аляксандр Ярашэнка ў час святкавання Дня Кітайска-беларускага індустрыяльнага парка, перадае карэспандэнт БЕЛТА.

"Цяпер у нас 34 рэзідэнты, апошняга мы зарэгістравалі 8 мая. Да канца бягучага года мы разлічваем, што іх будзе не менш за 40. На 2019 год 55 рэзідэнтаў - гэта мінімум, наш прагноз - мы павінны пайсці за 60 кампаній. Наогул, да 2020 года хочам, каб гэта лічба дасягнула 100", - адзначыў Аляксандр Ярашэнка.

Кіраўнік адміністрацыі таксама расказаў, колькі сродкаў укладзена ў стварэнне індустрыяльнага парка з пачатку рэалізацыі праекта. "У бягучым годзе чакаем, што лічба дасягне $0,5 млрд - гэта ўсе сродкі (і рэзідэнтаў, і сродкі ў інфраструктуру). Цяпер гэта лічба складае больш за $300 млн", - растлумачыў ён.

Аляксандр Ярашэнка падкрэсліў, што цяпер важна паказваць тыя паспяховыя праекты, якія пачалі ўжо рэалізоўвацца ў "Вялікім камені". "Гэта павінна падштурхнуць нашых рэзідэнтаў да актыўнай дзейнасці не толькі ў частцы рэгістрацыі, але і ў частцы будаўніцтва і перш за ўсё выпуску прадукцыі ў нашым парку. Адзін з добрых прыкладаў - амерыканская кампанія "Рухтэх", якая плануе выпускаць станкі з лазерным абсталяваннем. Яны ў канцы мінулага года пачалі ўжо будаўніцтва, і ў гэтым годзе будзе здадзена першая чарга вытворчага будынка і адміністрацыйнага корпуса. Тут ёсць вельмі цікавы момант - у гэтым адміністрацыйным корпусе прадугледжана стварэнне цэнтра па навучанні персаналу, які будзе працаваць на прадпрыемстве. Тэхналогіі там самыя высокія - такіх кампетэнцый у Беларусі няшмат, але тут такія спецыялісты будуць навучацца. І я спадзяюся, што гэта будуць беларускія спецыялісты", - заявіў ён.

Кіраўнік адміністрацыі парка паведаміў, што да канца года 10 рэзідэнтаў плануюць пачаць выпуск сваёй прадукцыі. "Яны завершаць рэгістрацыю, афармленне арэндных адносін і пачнуць работу або завершаць будаўніцтва сваіх плошчаў і таксама пачнуць выпуск прадукцыі. Акрамя таго, яшчэ 20 рэзідэнтаў, мы спадзяёмся, выйдуць на будаўнічую пляцоўку ў гэтым годзе", - сказаў ён.

Сёння ў індустрыяльным парку зарэгістраваны 34 рэзідэнты з васьмі краін свету. "Тут прадстаўлены розныя сферы дзейнасці: выпуск сонечных батарэй, беспілотныя аўтамабілі і лятальныя апараты, спецыялізаваныя робаты. Усе напрамкі розныя, але ўсе яны высокатэхналагічныя і інавацыйныя", - канстатаваў Аляксандр Ярашэнка.

У час святкавання Дня Кітайска-беларускага індустрыяльнага парка прайшла ўрачыстая цырымонія адкрыцця таблічак 11 новых рэзідэнтаў. Акрамя таго, былі ўручаны ўзнагароды тром першым прадпрыемствам, якія ўвялі свае вытворчасці ў эксплуатацыю. Гэта Кітайска-беларускі гандлёва-лагістычны субпарк, ТАА "СЕТС кітайская электратэхніка" і ТАА "Леванта Груп".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску