У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

15 Чэр 2017

Казахстанскі бізнес зацікаўлены ў развіцці кааперацыйных сувязей з Беларуссю

15 чэрвеня, Мінск /Надзея Мацвеева - БЕЛТА/. Казахстанскі бізнес зацікаўлены ў развіцці кааперацыйных сувязей з Беларуссю, паведаміў сёння журналістам перад пачаткам бізнес-форуму "Беларусь - Казахстан" кіруючы дырэктар Нацыянальнага агенцтва па экспарце і інвестыцыях Кaznex Invest Аскар Арынаў, перадае карэспандэнт БЕЛТА.

"Мы хочам прэзентаваць тыя інвестыцыйныя магчымасці, якія ёсць у нас для стварэння СП. Сярод перспектыўных напрамкаў узаемадзеяння можна назваць сферы ІТ-тэхналогій, машынабудавання, мэблевай прамысловасці. Акрамя таго, разлічваем на пастаўку ў рэспубліку цеплавозаў, хімічных угнаенняў. Бізнес - гэта дарога з двухбаковым рухам. Запрашаем беларускія кампаніі ў Казахстан для рэалізацыі сумесных праектаў", - адзначыў Аскар Арынаў.

Ён падкрэсліў, што кааперацыя дасць магчымасць прасоўваць прадукцыю на рынкі іншых краін. Ёсць прыклады такога супрацоўніцтва. У Казахстане працуе восем зборачных вытворчасцей, у Беларусі створана СП па выпуску картрыджаў. Разглядаецца магчымасць выхаду на пляцоўку Кітайска-беларускага індустрыяльнага парка "Вялікі камень".

Паводле слоў Аскара Арынава, сённяшні форум будзе садзейнічаць устанаўленню новых кантактаў, павелічэнню тавараабароту і пашырэнню наменклатуры пастаўляемых тавараў. "Створаны ўсе ўмовы для развіцця гандлю паміж Беларуссю і Казахстанам у Адзінай эканамічнай прасторы. Бізнес зацікаўлены ў наладжванні цесных узаемавыгадных адносін", - сказаў ён.

Аскар Арынаў нагадаў, што Астана прымае міжнародную спецыялізаваную выстаўку "ЭКСПА-2017" і запрасіў усіх жадаючых наведаць экспазіцыю. Беларусь на ёй прадстаўлена нацыянальным павільёнам, наведвальнікі якога могуць у інтэрактыўнай форме даведацца аб найноўшых беларускіх навукова-тэхнічных распрацоўках, перспектыўных інвестыцыйных праектах.

Беларуска-казахстанскі бізнес-форум праводзіцца штогод на працягу шасці гадоў. Як адзначыў генеральны дырэктар Мінскага аддзялення Беларускай гандлёва-прамысловай палаты Аляксандр Федарчук, яго галоўная задача - аднаўленне аб'ёму тавараабароту, які быў у 2014 годзе (амаль $1 млрд).

Пасол Казахстана ў Беларусі Ергалі Булегенаў дадаў, што такія бізнес-сустрэчы не з'яўляюцца фармальнасцю. "Кожны прыезд нашых кампаній дае свой плён, толькі за апошнія гады дасягнуты дамоўленасці на суму больш як $20 млн. У агульным аб'ёме тавараабароту больш за 90 працэнтаў - экспарт беларускіх прадпрыемстваў, а казахстанскія тавары мала прадстаўлены на рынку Беларусі. У нас вялікі патэнцыял для супрацоўніцтва. Вынікі першага квартала сведчаць аб тым, што ёсць рост паказчыкаў. Спадзяюся, што за два-тры гады мы выйдзем на ўзровень $1 млрд", - сказаў дыпламат.

Арганізатарамі мерапрыемства выступаюць Мінскае аддзяленне БелГПП і Нацыянальнае агенцтва па экспарце і інвестыцыях Кaznex Invest. У склад казахстанскай дэлегацыі ўваходзяць прадстаўнікі 10 кампаній, якія працуюць у сферах машынабудавання, будаўніцтва, нафтаперапрацоўкі, электратэхнічнай, харчовай прамысловасці, сельскай гаспадаркі. Беларускі бок прадстаўляюць амаль 50 прадпрыемстваў. Сёння адбылася кантактна-кааперацыйная біржа, запланаваны сустрэчы гасцей з Казахстана з кіраўніцтвам Міністэрства сельскай гаспадаркі Беларусі, Беларускай чыгункі.-

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс