Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

2 Сак 2020

Казахстан гатовы прадаваць нафту Беларусі пры ўмове выплаты экспартнай пошліны

Казахстан гатовы прадаваць нафту Беларусі пры ўмове выплаты экспартнай пошліны
Фота з архiва

2 сакавіка, Мінск /Кацярына Марковіч - БЕЛТА/. Казахстан гатовы прадаваць нафту Беларусі пры ўмове выплаты экспартнай пошліны. Аб гэтым паведаміў сёння журналістам віцэ-міністр гандлю і інтэграцыі Казахстана Кайрат Тарэбаеў, перадае карэспандэнт БЕЛТА.

"Наша краіна, калі экспартуе нафту, выкарыстоўвае мытную пошліну. На нафту яна ў памеры $60 за тону і каля $30 - за перапрацаваны прадукт", - адзначыў Кайрат Тарэбаеў.

"Беларусь, у выпадку заключэння пагаднення паміж нашымі краінамі, павінна будзе таксама выкарыстоўваць гэту экспартную пошліну, каб не было ператокаў нафты з Казахстана ў Еўрапейскі саюз праз яе тэрыторыю. Нам трэба засцерагчы свой рынак у тым плане, каб не было рээкспарту. Паводле нашых разлікаў, калі мы не будзем выкарыстоўваць гэты механізм, страты складуць каля $200 млн з улікам таго, што цяпер патрэбнасць Беларусі, якая нам была агучана, складае 3,5 млн т нафты", - паведаміў віцэ-міністр.

На яго думку, пагадненне паміж Беларуссю і Казахстанам па пастаўках нафты павінна быць заключана, таму што гэта ў інтарэсах абедзвюх краін. "Мы спадзяёмся, што беларускія калегі змогуць правільна садміністраваць гэта пытанне і гарантаваць нам тое, што не будзе рээкспарту, а той тавар, які будзе вырабляцца на НПЗ Беларусі, будзе спажывацца ўнутры краіны, - падкрэсліў Кайрат Тарэбаеў. - Мы чакаем механізма гарантавання, для гэтага ёсць шырокі спектр магчымых рашэнняў, напрыклад, зрабіць балансны аналіз і аналіз таго, дзе і кім нафтапрадукты будуць спажывацца".

Таксама віцэ-міністр паведаміў, што цяпер перагаворы ідуць, пагадненне аб пастаўках нафты будзе падпісана, як толькі беларускі бок прадаставіць механізм гарантавання.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі