Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

3 Сак 2020

Канцэпцыю "разумнага горада" ў 2020 годзе плануюць укараніць у 10 гарадах Беларусі

Канцэпцыю
Фота з архiва

3 сакавіка, Мінск /Юлія Неманкова - БЕЛТА/. Канцэпцыю "разумнага горада" ў 2020 годзе плануюць укараніць у 10 гарадах Беларусі. Аб гэтым паведаміла сёння журналістам на форуме "Разумныя ўстойлівыя гарады: ад канцэпцыі да рэалізацыі" намеснік начальніка ўпраўлення рэалізацыі дзяржаўных ІКТ-праектаў і закупак Мінсувязі Алена Шор, перадае карэспандэнт БЕЛТА.

"Урад паставіў задачу кропкава пачынаць лічбавізацыю, паколькі планава па ўсёй краіне адразу зрабіць немагчыма. Пачалі з пілотнага праекта (па ўкараненні канцэпцыі "разумнага горада". - Заўвага БЕЛТА) у Оршы ў 2019 годзе, зрабілі адаптацыю тыпавой канцэпцыі. У гэтым годзе плануецца яе ўкараніць яшчэ ў 10 гарадах: Баранавічах, Пінску, Наваполацку, Полацку, Мазыры, Лідзе, Барысаве, Салігорску, Маладзечне і Бабруйску. Таксама ў 2020-2021 гадах маюць намер укараніць канцэпцыю ў Мінску", - сказала Алена Шор.

Паводле яе слоў, лічбавізацыя прадугледжваецца як праект рэспубліканскага маштабу. "Мы бачым нейкі праект, які развіваецца ад пілотнага і маштабуецца на ўсю краіну", - адзначыла Алена Шор, удакладніўшы, што рэалізоўваць задуманае будуць зыходзячы з магчымасцей фінансавання.

Форум "Разумныя ўстойлівыя гарады: ад канцэпцыі да рэалізацыі" праходзіць 3-5 сакавіка ў Мінску. Арганізатарамі выступаюць Міжнародны саюз электрасувязі, ААТ "Дзіпрасувязь" пры падтрымцы Міністэрства сувязі і інфарматызацыі Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі